Isaya 41:26 - Livulu lya Shukulu Kalunga

²⁶ Iyajo wa ali yeni uje watulekele vin̄anda te kanda vicilingiwe, ngeci tuvizivuke? Naumo wai weni wendekele lijwi, naumo wai wamizivile mwendeka cuma!

Isaya 41:26 Iomraidhean Croise

Isaya 41:22

Ijeni kuno, co simutwiyeni vije vikalingiwa, tulekeni vyuma vya kunima, co tukaviyongola. Tulekeni vuma vya kulutwe, ngeci tuzivuke vika vije vikalingiwa.

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 43:9

Saneni miyati ya vanu vaije kuno. Iyajo wa ali vinjambi vavo asa kwendeka vyuma vya kulutwe? Iyajo umo wavo wambulwile vije vilinakulingiwa ololo? Vinjambi ava vanene vakaleo vavo, mukumwesa ngeci vanendeka vushunga, mukushulisa vushunga vwa majwi avo.

Isaya 44:7

Kuma kwali munu weka lalo nalingi vije vinjinalingi yange ndi? Kuma kuli umo asa kwendeka vije vyalingiwile laja? Nakwendeka lalo vije vikalingiwa kulutwe?

Isaya 45:21

Ambululeni vin̄anda vyeni ku mbanja, vaje vashaka kulyamena valihule umo na mukwavo. Iya wambulwile vyuma vya ku san̄ulu ngeci vikalingiwe? Kuma kesi yange Kalunga, Njambi muka-kwamena vanu vendi ndi? Kukwesi njambi weka lalo wai.

Isaya 46:9

Anukeni vije vyalingiwile ku san̄ulu, taveni ngweni yange lika nji Njambi, co kukwesi weka lalo wakulifwa nange wai.