Isaya 41:24 - Livulu lya Shukulu Kalunga

²⁴ Yeni kesi mu vanu, na vyoshe vimulinga kuvyesi na seo, vaje valinakumilemesa valinakulilingisa vunyengwe!

Isaya 41:24 Iomraidhean Croise

Myaso 115:8

Voshe vaje vapangele ava tumponya nakukulaela kuli vakevo, vapwe ngwe ava tumponya vavanapanga!

Visimo 28:9

Munu uje kononoka lishiko, malombelo endi kuli Njambi anapu a vunyengwe.

Visimo 3:32

omwo Shukulu Kalunga wazinda vaka-kulinga vuvi, wakulaela vaka-kushungama.

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 10:5

Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 10:8

Voshe valemesa tumponya vapwa vilema. Vikajo vivalilongesa ku tumponya twa viti?

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 7:25

Ngecivene, mukenyeka tumponya twa vinjambi vavo vakushonga. Kesi mukaliveyele siliva nambe ngolinde ije valinayo, co kesi mukalinoneleyo embwe kutewa mukatsa mu nganjo yavo, omwo vyapwa vya vunyengwe ku mesho a Shukulu Kalunga Njambi yeni.

Kwituluka mu Mashiko 7:26

Kesi mukakovelese vyuma vya vunyengwe mu vinjuvo vyeni embwe, co cikapwa cisingo cimo cije cikakala ali yeni ngwe ali vije vinjambi vavo. Omwo vyuma evi vyapwa vyakusinga kuli Shukulu Kalunga.

Kujombolola 17:5

A luholo lwendi vasonekeleo lizina lije lili na vulumbunuke vwa cisin̄iko, ngwavo, “Mbambilone Wakama, cisemi ca vikwizi voshe na vunyengwe vwa ano a kaye.”