Isaya 41:20 - Livulu lya Shukulu Kalunga

²⁰ Vanu vakacimona, nakuzivuka ngeci yange Kalunga, Njambi wakujela wa Isalele, njavitangele vyoshe.”

Isaya 41:20 Iomraidhean Croise

Yombi 12:9

Vyoshe vizivuka ngeci livoko lya Shukulu Kalunga likelyo lyavipangele.

Myaso 109:27

Vitozi vange vazivuke ngeci yove u muka-kunjamena.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 28:29

Mana oshe awa atunda kuli Shukulu Kalunga Muka nzili yoshe. Matumbe oshe akalingi Njambi apwa akushungama, co simbu yoshe apwa amavwa.

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 43:15

Yange njapwa Kalunga, Njambi yeni wakujela. Yange njamitangele, Isalele, yange njapwa mwene yeni.”

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Isaya 66:18

Njizivuka viyongola vyavo na vilinga vyavo. Njilinakwija nakukungulula vanu va miyati yoshe. Omo vakakungulukila amo, vakamona nzili yange muyafwa,

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Kulava 23:23

Mwa vushunga vene kukwesi mikalo ili na seo kuli Yakomba, nambe manseno kuwasa kupanga kuli Isalele. Ololo vanu vakendeka ali Yakomba na Isalele ngwavo, ‘Kengeni vije vyanalingi Njambi ali vakevo!’

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.