Isaya 41:2 - Livulu lya Shukulu Kalunga

² “Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 41:2 Iomraidhean Croise

Kushangumuka 11:31

Tela waile na munendi Avilama, na mutekulyendi Lote muna Halane, na vainamweno Salai munakazi wa Avilama, co watundile mu nganda ya Ule mu Mbambilone amo navo ngeci aye ku lifuti lya Kanana. Co vetele ku lifuti lya Halane nakutunga muje.

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

2 Samwele 22:43

Njavatsenene tsenu-tsenu, vafwile ngwe likungu, njavalyatangelele ngwe lindova lya mu vingila.

2 Vimyene 13:7

Njehoahaze kakele na mashwalale vasaleleo kuvanga lika vaka-kulonda a tuvalu makumi atanu, na matemba likumi, na vanalume 10,000 vaka-kwenda a mendi, omwo mwene wa Silya wanyongesele vakwavo voshe, wavalyatangelele ngwe likungu.

2 Mizimbu 36:23

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda. Ngecivene, ololo, yeni voshe vaje vanapu vanu va Njambi, yeniko, co Shukulu Kalunga Njambi yeni akale amo neni.”

Ezela 1:2

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Isaya 40:24

Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Isaya 41:3

Avasheka lumbisi manene ngeci mendi endi kesi kulyata asi!

Isaya 42:6

“Yange Kalunga njinakusana nakukwana nzili, nakumona ngeci vushunga vulinakulingiwa ano asi. Muli yove njikalinga cikumiiyo na miyati yoshe, muli yove njikasholola ceke ku mafuti.

Isaya 45:1

Shukulu Kalunga naangula Siluse kupwa mwene! Namwangula kufungulula mafuti, namutumu kutundisa nzili ya vimyene, Shukulu Kalunga akamushokolwela vikolo vya vinganda. Shukulu Kalunga alinakwendeka kuli Siluse ngwendi,

Isaya 45:13

Yange njinaana Siluse nzili, mukushulisa vutumbe vwange nakuvwaesa vyuma mwamuvwa. Njikolola ngila yoshe ije yakendela. Akatungulula nganda yange ya Yelusalema, nakupatula vinzinda vange. Naumo wai namukumuna nambe namwana lizika-kanwa ngeci alinge evi vyuma.” Shukulu Kalunga Muka-nzili yoshe, ikeye nendekamo.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Isaya 48:15

Yange njamusanene, njamutwamenenene, nakumuhyanesa.

Mbimbi 1:15

“Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

VaHevelu 7:1

Melekizendeki wapwile mwene wa ku Saleme muka-kukombelela kuli Njambi wa Akamwa ya Akamwa. Omo Avilahama welukile ku nzita kuje wakatsiile vimyene vawana, Melekizendeki waliwanene nendi, co wamuvezikisile,

Kujombolola 16:12

Asinoni kangelo wamucitanu na umo wetilile lilonga lyendi a Ndonga yakama ya Yufuleti. Co ije ndonga yomine cau, mukwana ngila kuli vimyene vaje vatundilila mu ngangela.

Kujombolola 7:2

Co njamwene kangelo mukwavo atundilila mu ngangela na kasateso ka Njambi wakuyoya. Watambekele na lijwi lyakama kuli vaje tungelo vawana vaje Njambi waanene nzili yakuviisa asi na mema a kalunga.