Isaya 41:18 - Livulu lya Shukulu Kalunga

¹⁸ Njiketisa vindonga vya mema mukati ka malundu akuma, co masima a mema a tuvwelu-vwelu akaita mu vimbongo. Njikatengulula mambo kupwa mashali a mema, na livu lyakuma likakala na masima a mema a tuvwelu-vwelu.

Isaya 41:18 Iomraidhean Croise

Myaso 104:10

Unetisa mema a tuvwelu-vwelu mu vimbongo, co lalo vindonga vilinakwita mukati ka malundu.

Myaso 105:41

Njambi washokolwele limanya, co mema atuukile manene, ajalelele mu mambo ngwe ndonga.

Myaso 107:35

Watengulwile mambo kupwa vingunja vya mema, na livu lyakuma kupwa masima a tuvwelu-vwelu.

Myaso 126:4

Tuvezikise lalo Shukulu Kalunga, tupwe ngwe nyonzi ije inyokela mu vindonga vyakuma.

Myaso 46:4

Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

Isaya 12:3

Ngwe omo mema akutonola akanene kujolela kuli uje ali na lihwila, ngecivene, vanu va Njambi vajolela omo avamena.”

Isaya 30:25

A litangwa lije omo vimpaka vya vitozi vyeni vanavifungulula nakutsiya vanu vamwo, co ku munkinda woshe na ku lilundu lyoshe kukaita vana va vindonga.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 33:21

Shukulu Kalunga akatumwesa vumpau vwendi. Co tukakala ku ngenge ya vindonga vyakama na vana va vindonga vyavindondo, oloni mato a vitozi kuwakasa kujavukamo.

Isaya 35:1

Mambo na lifuti lyakuma vikajolela, na vishani vikashamwina mu mambo.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 48:21

Omo Shukulu Kalunga watwamenenene vanu vendi mu mambo mwakushaluka mwakuma cau, kuvakele na lihwila. Ikeye wavatuwisilile mema mu limanya. Watavwile limanya mukati, co mema atuukile.

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”

Maako 15:19

Asinoni Njambi washokolwele lisima mu livu kuje ku Lehi, co mema atuukilemo. Samusoni wanwile mema, co washangumukile kuziva mwamuvwa. Ngecivene, lije lisima valilukile ngwavo Hakole, na lelo lino kulicili ku Lehi.