Isaya 41:17 - Livulu lya Shukulu Kalunga

¹⁷ “Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 41:17 Iomraidhean Croise

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

1 Vimyene 17:8

Asinoni Shukulu Kalunga wendekele kuli Elinja ngwendi,

2 Mizimbu 6:17

Ngecivene, ololo, Shukulu Kalunga Njambi ya Isalele, tava vyuma vyoshe vipwe vyakushungama ngwe muwakulaesele ngamba yove Ndaviti.

Myaso 22:15

Mulivu wange unominina cau, co ndaka yange inasata mu ndakwilo. Yove unanjiseza mu livu ngeci njitsilemo.

Myaso 34:6

Tuutu vakatambeka kuli ikeye, co akavaziva, ikeye akavamena ku tuyando twavo twoshe.

Myaso 37:25

Njapwile nji mukwenje, ololo njinakuluvala, kanda njimone Shukulu Kalunga kwivala muka-vushunga, nambe vana vendi kulomba vyakulya.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 74:21

Kesi utave vaje vali mu tuyando vazive shwamwa, oloni tuutu na vaka-kujeneka vakushangazale.

Myaso 94:14

Shukulu Kalunga kakavyana vanu vendi, nameme kwivala muyati wendi uje wanaangula.

Kutuuka 17:3

Oloni vanu va Isalele vakele na lihwila manene, co anga vatwaleleo kulinyengela kuli Mosesa. Vendekele ngwavo, “Omo vikajo watutundisilile mu Ingito ngeci wakututsise na vana vetu na vimuna vetu ku lihwila?”

Kutuuka 17:6

Yange njikakala kulutwe lwove a limanya a Munkinda wa Sinai. Pupa a limanya, co mema akatuukako ngeci vanu vakanwe.” Co Mosesa walingile ngacije ku mesho a vantwama va Isalele.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 43:20

Nameme tusitu vakanjisingimika, vimbanje na vankumbwa vakanjishangazala, njiketisa vindonga vya mema mu mambo, kwana mema ku vanu vange vaje vanjalyangwilile.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 48:21

Omo Shukulu Kalunga watwamenenene vanu vendi mu mambo mwakushaluka mwakuma cau, kuvakele na lihwila. Ikeye wavatuwisilile mema mu limanya. Watavwile limanya mukati, co mema atuukile.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Isaya 65:24

Njikakumbulula malombelo avo simbu kanda vacimanese kulombela.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Mbimbi 4:4

Vecelela vana vavo kulanduka ku njala na kutsa ku lihwila, vanike valinakulomba vyakulya oloni naumo wai avanavyo.

Ezekiyele 47:8

Co wendekele kuli yange ngwendi, “Awa mema alinakwita mukati ka lifuti kuya mu ngangela na ku Cimbongo ca Yondau nakweta ku Lishali lya Kutsa. Omo eta mu Lishali lya Kutsa, co atengulula mema a mwongwa a muje mu mema a kalunga kupwa mema amavwa.

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Luka 16:24

Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

2 Kolinte 12:9

Co ikeye wanjikumbulwile ngwendi, “Kutetela kwange kunapumo ku vyoshe, omwo nzili yange yapwa yakukomokesa omo unazeye.” Ngecivene, njilinakuvwaelela manene a vyuma vyakuzeya vyoshe-ivyoshe nakujolela akunyunga kwa Kilistu na nzili eyi ili ali yange.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.