Isaya 41:16 - Livulu lya Shukulu Kalunga

¹⁶ Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 41:16 Iomraidhean Croise

Myaso 1:4

Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 28:5

A litangwa lije Shukulu Kalunga Muka-nzili yoshe akapwa cilongo ca vumpau kuli vanu vendi vaje vanasalao.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 29:5

Yelusalema vitozi vove voshe vaje vakulwisile vakapekumuka ngwe likungu, na mbunga ya mashwalale vavo vakujujwisa vakavapekumuna ngwe vishati. Vwasi-vwasi, kuzivuka,

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 40:24

Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Isaya 65:18

Vwaeleleni nakujolela myaka yoshe mu vyuma vyaviha vinjinatanga. Yelusalema yaiha injitanga mukakala kujolela, co vanu vamwo vakavwaelela.

Njelemiya 15:7

Njikamishandola kutunda mu vinganda vyoshe vya mu lifuti ngwe lihunzi lipekumuna vishati. Njikaminyongesa yeni vanu vange, njatsiile vana veni, omwo kumwatundile ku vingila vyeni vya vuvi.

Njelemiya 51:2

Njikatuma vaka-kwija nakunyongesa Mbambilone, ngwe lihunzi lije likapekumwina vishati kulyala. Omo litangwa lya cihiso likaija, co vakalwisa ku mitambela yoshe nakuseza lifuti mupulungwa.

Njelemiya 51:20

Shukulu Kalunga alinakwendeka ngwendi, “Mbambilone, yove unapu muveto wange, citwa cange ca nzita. Njakupangesele mukutsenesa miyati ya vanu na vumwene,

Njelemiya 51:33

Vanu va Mbambilone vanavatete nakuvalyatangela ngwe vimbuto vije vivalyatangela ku lijungwilo. Yange Kalunga Muka-nzili yoshe, Njambi ya Isalele, njinendekamo.”

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Hambakuke 3:18

anga vene njikajolela nakuvwaelela muli Shukulu Kalunga, omwo Shukulu Kalunga Njambi, ikeye wapwa muka-kunjinyunga.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Loma 5:11

Oloni kesi evi lika embwe, tujolela omwo a vije vyanalingi Njambi ali Mwene yetu Yesu Kilistu, uje ololo natupwisa vasamba va Njambi.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.