Isaya 41:15 - Livulu lya Shukulu Kalunga

¹⁵ Njikamipwisa ngwe likina lyakujungwisa, lije lili na mayo amaha akuvambuka. Mukajungula minkinda ngwe muvakajungula tiliku nakuyishalamesa, co malundu akatsenoka kupwa likungu.

Isaya 41:15 Iomraidhean Croise

Yombi 41:30

Mavanda a lifu lyendi analifu ngwe vitambi vya ndeo ya vuma, ashandola lindova muje mwenda.

Myaso 18:42

Njivatsena tsenu-tsenu ngwe likungu lije lipekumuka na lihunzi. Njivalyatangela ngwe lindova lya mu vingila.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 21:10

Vanu vange va Isalele, munayanda manene-nene, oloni ololo njimileka muzimbu wauvwa uje unatundu kuli Shukulu Kalunga Muka-nzili yoshe, Njambi wa Isalele.

Isaya 28:27

Ndimi kesi kupangesa mbweti yakulema akupupa ndile nambe kumine, oloni akapangesa viti vyavyehu vyamweseko.

Isaya 29:5

Yelusalema vitozi vove voshe vaje vakulwisile vakapekumuka ngwe likungu, na mbunga ya mashwalale vavo vakujujwisa vakavapekumuna ngwe vishati. Vwasi-vwasi, kuzivuka,

Isaya 42:15

Njikanyongesa malundu na minkinda nakumisa mwila cau na miti. Vindonga njikavipwisa mambo, co njikomisa cau mashali a mema.

Isaya 64:1

Angununa melu ushelumukile ano asi! Ngeci minkinda ijaje omo ikumona.

Njelemiya 51:20

Shukulu Kalunga alinakwendeka ngwendi, “Mbambilone, yove unapu muveto wange, citwa cange ca nzita. Njakupangesele mukutsenesa miyati ya vanu na vumwene,

Njelemiya 51:33

Vanu va Mbambilone vanavatete nakuvalyatangela ngwe vimbuto vije vivalyatangela ku lijungwilo. Yange Kalunga Muka-nzili yoshe, Njambi ya Isalele, njinendekamo.”

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Ezekiyele 33:28

Co lifuti njikalipwisa vingundu vyangoco, co nzili ije vakele nakulyalesela nayo ikahwa. Minkinda ya Isalele ikapwa mambo yangoco, co naumo wai akasa kwita mukati kayo.

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Hambakuke 3:12

Wendele ano asi nakuluvala, co na litoto lyove walyatangelele miyati ya vanu.

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Yoshwa 17:18

Mwa vushunga lifuti lya malundu likapwa lyeni vene! Nameme likelyo lyapwa shwata, co mukashinjamo miti nakulipwisa lyeni kutunda ku shongo imo nakweta ku shongo ikwavo. Nameme vaKanana vakala na matemba a vikuvo, na nzili, oloni mukavashekamo.”

Maako 6:16

Shukulu Kalunga wamukumbulwile ngwendi, “Mwa vushunga yange njikakukwasa. Ukafungulula vaMindyani voshe.”