Isaya 41:11 - Livulu lya Shukulu Kalunga

¹¹ “Voshe vaje vanamiluvalela, vakaziva shwamwa nakukomoka. Vaje valinakumilwisa vakanyonga,

Isaya 41:11 Iomraidhean Croise

Kutuuka 11:8

Mosesa wendekele lalo ngwendi, “Vamyata vove voshe vakaija kuli yange nakunjitsikamena, co vakanjilomba ngeci njiye na vanu vange voshe. Co munima yevi, njikaya.” Asinoni Mosesa waluvalele manene, co watundile kuli mwene.

Kutuuka 12:29

Mukati ka vutsiki Shukulu Kalunga watsiile va ntwatwa voshe va vana va vanalume mu Ingito, kushangumukila kuli muna mwene uje akashwana a litanda kweta, na kuli muna cinzinda mu kamenga, co watsiile lalo vana va vimuna va nkomba vakulivanga kusemuka.

Kutuuka 23:22

Oloni nga mumwononoka nakulinga vyuma vyoshe vije vinjinashiki, njikalwisa vitozi veni voshe.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 29:5

Yelusalema vitozi vove voshe vaje vakulwisile vakapekumuka ngwe likungu, na mbunga ya mashwalale vavo vakujujwisa vakavapekumuna ngwe vishati. Vwasi-vwasi, kuzivuka,

Isaya 29:7

asinoni mashwalale voshe va miyati vaje valwisile nganda ya mutula wa Njambi, vitwa vyavo vyoshe na vyuma vyavo vyakupangesa, vikahwa ngwe njozi omo vutsiki vunahu.

Isaya 29:8

Miyati yoshe vaje vakakunguluka nakulwisa Yelusalema vakapwa ngwe munu natsi njala uje alota alinakulya, co omo akasumuka anga ali na njala, nambe ngwe munu natsi lihwila uje alota alinakunwa mema, co omo akasumuka anga ali na lihwila.

Isaya 34:12

Naumo wai akashwanamo, na vatwama kuvakakalamo.

Isaya 40:17

Miyati ya vanu inapu yangoco kuli ikeye.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 41:24

Yeni kesi mu vanu, na vyoshe vimulinga kuvyesi na seo, vaje valinakumilemesa valinakulilingisa vunyengwe!

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 54:15

Nga munu akakulwisa, ikeye vavenya alinakucilinga, kesi yange njinamutumu embwe. Woshe uje akakulwisa akawa.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Njelemiya 12:17

Oloni nga miyati ya vanu ava kuvakononoka, co njikavatundisa mu mafuti avo nakuvanyongesa. Yange Kalunga, njinendekamo.”

Njelemiya 2:3

Isalele, yove wapwile u wange, wapwile vufuko vwange vwakujela. Njatumine tuyando na n̄avava ali munu woshe uje wakuyandesele. Yange Kalunga, njinendekamo.’ ”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.

Vilinga vya Miluwa 16:39

Ngecivene, vaileko nakulitavela kuli vakevo, asinoni vavatuwisile mu kamenga, co vavalekele ngeci vatunde mu nganda.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.