Isaya 40:4 - Livulu lya Shukulu Kalunga

⁴ Ofweleni cimbongo coshe, nyekumwiseni minkinda yoshe. Malundu apwe cana, co lifuti lyakunyekama lipwe lyakulambesa.

Isaya 40:4 Iomraidhean Croise

Visimo 2:15

Vingila vya vanu va cifwa eci vyapwa vya kupenga-penga, vatanguka mu vingila vyavo.

Isaya 40:3

Lijwi lya umo muka-kutambeka ngwendi, “Vwaeseleni Shukulu Kalunga tapalo mu mambo! Vwaeseni tapalo yakushungama ya Njambi yetu!

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 42:11

Mambo na membo amwo vashangazale Njambi, vanu va ku Kendale vamushangazale! Vaje vakala mu nganda ya Sela vatambeke nakujolela akamwa ya minkinda!

Isaya 45:2

“Yange vene njikavwaesa ngila yove, njikalambesa minkinda na malundu, njikapokozola vikolo vya vunengu nakutsena mikambo yavyo ya vikuvo.

Isaya 49:11

“Njikalinga tapalo akati ka minkinda, nakuvwaesa ngila yakwendela vanu vange.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Ezekiyele 17:24

Miti yoshe ya mu lifuti ikazivuka ngeci yange Kalunga. Njikashinjila asi miti yailaja, nakumenesa miti yaindondo kupwa yailaja. Njikajujwamesa miti yakutonola nakutonolwesa lalo miti yakuma. “Yange Kalunga, njinendekamo, njikalinga vije vinjinendeka ngwange njikavilinga.”

Ezekiyele 21:26

Munjinendeka yange Kalunga wa Akamwa ya Vyoshe. Tundisa cilongo cove na kalupusa kove. Cuma nacimo cai cikalifwa lalo. Aka ku vukama vaje vavandondo, co lalo aka kuvundondo vaje valinakushwana.

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Luka 3:5

Vimbongo vyoshe vanapande kuvyofwela, malundu oshe na minkinda vanapande kuvinyekumwisa, na vingila vya kupenga-penga vanapande kuvyolola vishungame, na vingila vyakuzika vanapande kuvilambesa.

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.