Isaya 40:24 - Livulu lya Shukulu Kalunga

²⁴ Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 40:24 Iomraidhean Croise

2 Samwele 22:16

A masima a mema a kalunga asholokele, luvula lwa asi lwasholokele, omo Shukulu Kalunga waluvalelele vitozi vendi, co wavaluvalesele na vukalu.

2 Vimyene 10:11

Asinoni Yehu watsiile vavushoko voshe va Ahave vaje vakele mu Njezelele na vamyata vendi voshe na vasamba vendi va a mbunge na vaka-kukombelela vendi, naumo wai wasaleleo na mwonyo.

Yombi 21:18

Nakuvapekumwina kulyala ngwe mwila upekumuka na kankumba, nambe ngwe likungu lipekumuka na lihunzi?

Yombi 4:9

Njambi akavanyongesa mu vukalu vwendi vwakama.

Yombi 8:17

Co mizi yavyo ilizengelela a mutumbo wa mamanya, co vikala mukati ka mamanya.

Myaso 58:9

Mu vukalu vwendi Njambi akavapekumwina kulyala, oku vayoya, nakuvawisa simbu kanda vacizivuke, ngwe mwila wakukamba.

Myaso 83:13

Vashandole ngwe likungu yove Njambi yange, ngwe vishwashwa vije vipekumuka na lihunzi.

Visimo 1:27

omo vyakujujwisa vikaija ali yeni ngwe lihunzi lyakama, mukuminenela vukalu na tuyando.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 17:11

Vimbuto vije mukuna vyasa kujovelela nakushamwina vishani mutondo uje vene muvikuna, oloni nacimo cai mukateja. Kukakala lika tuyando nakukemanga.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 37:7

Shukulu Kalunga akazivisa mwene wa Asilya lingwavo lije likamwilwisila kwimbo lyavo, co Shukulu Kalunga akamutsiila kuje vene.”

Isaya 40:7

Mwila ujujwama, na vishani vyuma akushika kwa Shukulu Kalunga. Mwa vushunga vanu vanapu mwila.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Njelemiya 22:30

Shukulu Kalunga nendeka ngwendi, “Munalume ou kakakala na vana, kakavezika mukuyoya kwendi kwoshe. Kakakala na vatekulwila, vaje vakamushwana mu Yunda kushwana a litanda lya Ndaviti. Yange Kalunga, njinendekamo.”

Njelemiya 23:19

Vukalu vwendi vunapu lisindu-mbowe, vwapwa lihunzi lyakukomokesa, lya vukalu lije likaija a mitwe ya vaka-vuvi,

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Nahumi 1:14

Evi vikevyo vyanashiki Shukulu Kalunga ali vaAsilya ngwendi, “Kuvakakala na vatekulwila vakutwala kulutwe lizina lyavo. Co njikanyongesa tumponya tuje tuli mu vinjuvo vya vinjambi vavo. Njilinakuvwaesa mbumbo ya vaAsilya, kuvapandele kuyoya!”

Hangai 1:9

“Mwashakele kuteja vimbuto vyavingi manene, oloni vyapwile vyavindondo. Omo mwanenele vije vimwatejele kwimbo, co njavipekumwine. Omwo vikajo njalingile ngacije? Omwo Njuvo yange yasiwukile, munu na munu naungama na vipangi vyakutunga njuvo yendi.

Zakaliya 7:14

Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

Zakaliya 9:14

Shukulu Kalunga akashuluka akamwa ya vanu vendi ngwe lishelwa, akasha mikili yendi ngwe muhyato. Shukulu Kalunga wa Akamwa ya Vyoshe akaimba lupembo, akalwila mu lihunzi kutunda ku mbwela.