Isaya 40:11 - Livulu lya Shukulu Kalunga

¹¹ Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 40:11 Iomraidhean Croise

Kushangumuka 33:13

Oloni Yakomba wamukumbulwile ngwendi, “Shukulu mwazivuka ngeci vanike vapwa vakuzeya, co njinapande kuyongola lalo a vimanga na vingombe amo na vana vavo. Nga tuvendesa manene nameme litangwa limo, co vatsa.

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 27:10

Vatate na vanana vasa kunjumbila, oloni Shukulu Kalunga akanjinyunga.

Myaso 28:9

Shukulu Kalunga amena vanu vove, co vezikisa vaje voshe vanapu vove. Pwa kanyungi kavo, vanyunge ku myaka yoshe.

Myaso 37:3

Kulaela kuli Shukulu Kalunga, co linga mwamuvwa, kala mu lifuti, co yoya mwamuvwa.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Isaya 42:3

Kakapokola lihongo lyakutepama, nambe kuzima mulangi wakutsitsivala wa mu ndeya. Akamona ngeci vushunga vulinakulingiwa ku vanu voshe.

Isaya 63:11

Oloni vanu vendi vanukile vyuma vyakulaja, a matangwa a Mosesa, ngamba ya Shukulu Kalunga, co vehwile ngwavo, “Shukulu Kalunga ali kulijo ololo, uje waamenene vantwama va vanu vendi ku mema a kalunga? Shukulu Kalunga ali kulijo, uje waanene Munzinzime wendi kuli Mosesa?

Njelemiya 31:10

Shukulu Kalunga alinakwendeka ngwendi, “Yeni miyati tolilileni kuli yange, ambululeni majwi ange na ku vikuma vyakulyala. Njashandwele vanu vange, oloni njikavakungulula lalo, nakuvatwamenena ngwe kanyungi atwamenena vutanga vwendi.

Njelemiya 31:8

Njikavatundisa ku lifuti lya ku kunto, nakuvakungulula kutunda ku mitambela ya ku shongo na shongo ya kaye. Tupuputwa na vilema vakaija amo navo, na tufumbakazi, na vaje vali kuyehi nakukita. Vakeluka ngeci vapwe muyati wakama.

Ezekiyele 34:15

Yange vavenya njikapwa kanyungi ka vimanga vange, co njikavatwamenena ku mutambela wakuhwimina. Munjinendeka yange Kalunga wa Akamwa ya Vyoshe.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 34:2

“Muna munu, leka vaka-kushwana va mu Isalele. Ambulula vuka-kwimanena, valeke vinjendeka kuli vakevo yange Kalunga wa Akamwa ya Vyoshe, ngwove, ‘Munavindama, yeni tunyungi va Isalele! Mulinakulilisa yeni vavenya, oloni kumwesi nakunyunga vimanga embwe.

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Ezekiyele 34:31

“Yeni vimanga vange, munapu vimanga va ku vulilo vwange, munapu mu vanu vange, co yange njinapu Njambi yeni.” Mwanendeka Shukulu Kalunga wa Akamwa ya Vyoshe.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Zakaliya 11:7

Vaje valandele nakulandesa vaje vimanga vanjikumwine, co njapwile kanyungi ka vimanga vaje vavatwalele mukuvatsiya. Co njanonele milamu ivali, umo njaulukile “Ngozi,” co ukwavo njaulukile “Vumo.” Co njanyungile vutanga.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”