Isaya 4:2 - Livulu lya Shukulu Kalunga

² Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 4:2 Iomraidhean Croise

Myaso 67:6

Vimbuto vinamene mu livu, Njambi, uje wapwa Njambi yetu natuvezikisa.

Myaso 72:16

Tiliku ipwe yaingi mu lifuti, akamwa ya malundu ashule na vimbuto, vipwe vyavingi ngwe vimbuto vya ku Lembanone. Vinganda vishule na vanu, ngwe mwila wa mu mahya.

Kutuuka 28:2

Tongela ndolome yove Alone vuzalo vwakujela vwa vuka-kukombelela vwakumwana kasingimiko na vuvwa.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 45:8

Njikatuma vushunga kutunda mwilu ngwe nyonzi, kaye kakalivwaesela kuvutambula, co vushunga vukamena asi. Yange Kalunga, njinatanga vyuma evi.”

Isaya 53:2

Capwile cizango ca Shukulu Kalunga ngeci ngamba yendi akole ngwe kamuti kakandondo kamena mu livu lyakuma. Kakele na kasingimiko nambe vuvwa ngeci tumukenge. Kakele na seo ngeci tumukomoke, nacimo cai catulupwisile mbunge ngeci tukenge kuli ikeye.

Isaya 60:15

“Nameme vakwivalele nakukuzinda, njikakupwisa nganda yakama yaivwa, mutambela wa kulyalesa nawo ku myaka yoshe.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Njelemiya 44:14

Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Njelemiya 44:28

Oloni vavandondo lika vakaputumuka ku kutsa, vakatunda ku Ingito nakwiluka ku Yunda. Asinoni vaje vakayoyao vakazivuka ngwavo majwi eyajo anapu a vushunga, ange ndi avo?

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 36:8

Oloni a minkinda ya Isalele, miti ikajovelela maputa lalo nakwima vushuka vweni, yeni vanu vange va Isalele. Ololo-lolo mukeluka kwimbo.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Ovandiya 1:17

“Oloni a Munkinda wa Siyone, vamo vakavomboloka, co ukapwa mutambela wakujela. Vanu va Yakomba, vakashwana lifuti lyavushwana vwavo.

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Malakiya 3:17

Shukulu Kalunga Muka-nzili yoshe nendeka ngwendi, “Vakapwa vanu vange. A litangwa lije omo njikalinga, vakevo vakapwa vanu vange. Njikavazivila mema ku mbunge ngwe cisemi azivila mema ku mbunge munendi uje amupangela.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Petulu 1:16

Omwo kutwakavele visimo vyakutunda ku mana a vanu mukumyambulwila vya kwija kwa Mwene yetu Yesu Kilistu mu nzili. Na mesho etu vavenya twamwene vukama vwendi.