Isaya 38:5 - Livulu lya Shukulu Kalunga

⁵ kwilukila kuli Hezekiya nakumuleka ngwendi, “Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove, njakutava kuyoya myaka likumi na itanu.

Isaya 38:5 Iomraidhean Croise

1 Vimyene 15:4

Oloni omwo ali Ndaviti, Shukulu Kalunga Njambi yendi waanene Aviya mwana wa munalume amushwane mu Yelusalema mukunyunga Yelusalema mwamuvwa.

1 Vimyene 8:25

Ngeci ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa majwi ove ngwe mwalingile ikeye.

2 Vimyene 18:13

Mu mwaka wamulikumi na iwana omo Mwene Hezekiya washwanene, Senakelivi, mwene wa mu Asilya, walwisile vinganda vyakele mu cimpaka ca Yunda, co wavifungulwile.

2 Vimyene 18:2

omo wakele na myaka makumi avali na itanu, washwanene mu Yelusalema myaka makumi avali na itanu na iwana. Vaina vapwile Aviya, muna Zekaliya.

2 Vimyene 19:20

Asinoni Isaya watumine majwi akuleka Mwene Hezekiya akukumbulula ku lilombelo lya mwene ngwendi

2 Mizimbu 34:3

Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

Yombi 14:5

Simbu yakuyoya kwendi vanaiseteka laja, nakutuma kwa vingonde vyendi vili kuli yove. Nginga yendi unaitu laja ngeci kasa kuyijomboka.

Myaso 116:15

Kutsa kwa vaka-kukulaela, kuli na seo ku mesho a Shukulu Kalunga.

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Myaso 39:12

Shukulu Kalunga tolilila lilombelo lyange, co tolilila ku mutambi wange, kesi woloke omo njitambeka kuli yove! Yange nji mungenzi, nji muka-kwija ngwe muvapwile vakukulwila vange voshe.

Myaso 56:8

Yove wazivuka muvali nakunjiyandesela, yove uzivuka vusiwa vwange. Kuma kuvaisonekele mu livulu ndi?

Myaso 6:9

Shukulu Kalunga nazivi lilombelo lyange, na mutambi wange ngeci anjikwase.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 37:21

Asinoni Isaya watumine majwi akuleka Mwene Hezekiya akukumbulula ku lilombelo lya mwene ngwendi,

Isaya 38:4

Asinoni Shukulu Kalunga washikile Isaya

Mbimbi 3:56

Omo njakulambelelele ngeci utolilile ku mutambi wange, co yove wanjizivile.

Mateo 22:32

‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”

Luka 1:13

Oloni kangelo wendekele kuli ikeye ngwendi, “Kesi uzive lyova Zakaliya! Njambi nazivi lilombelo lyove, munakazi wove Elizaveta akakita mwana wa munalume, co ukamuluka lizina lyendi Yowano.

Vilinga vya Miluwa 27:24

nakwendeka ngwendi, ‘Kesi uzive lyova, Paulu! Unapande kwimana ku mesho a Nguvulu. Co Njambi nakunyungila voshe ava ulinakujavuka navo mu vwato.’

2 Kolinte 7:6

Oloni Njambi, uje muka-kutakamesa vaka-kuzeya, watutakamesele akwija kwa Tito.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”