Isaya 38:3 - Livulu lya Shukulu Kalunga

³ “Shukulu Kalunga, anuka ngeci yange njakupangela nakukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Isaya 38:3 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 6:9

Eci cikeco cisemwa ca Nowa. Nowa wapwile munu wa vushunga, kawanene akumuvayesela akati ka vanu vaje vayoyele navo a simbu ije, co lalo mukuyoya kwendi wendele na kulitombola na Njambi.

1 Vimyene 15:14

Nameme Asa kanyongesele mitambela yoshe ije ivakele nakulemesela vaje vaka-kujeneka kukulaela, oloni ikeye wakulaelele kuli Shukulu Kalunga mukuyoya kwendi kwoshe.

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

2 Vimyene 18:3

Wakavangeyeye vilinga vya kukulwila yendi Mwene Ndaviti, walingile vije vyavwaelelesele Shukulu Kalunga.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:19

Ana munange Solomoni mbunge yakulumbunuka, ngeci anyunge vyuma vyoshe vije viwunamushiki, nakutunga Njuvo yove injinavwaesela cimweja vyuma vyakutungisa.”

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

2 Mizimbu 25:2

Walingile vije vyavwaelelesele Shukulu Kalunga, oloni kavilingile na mbunge yendi yoshe embwe.

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Nehemiya 1:4

Omo njazivile vyoshe evi, njatumbamene asi nakulila. Njalilile matangwa amangi kujeneka kulya. Co njalombelele kuli Njambi ngwange,

Nehemiya 13:14

Njambi yange, anuka vyuma vyoshe evi vinjinalingi ku Njuvo yove yakukulemesela.

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 13:31

njavwaeselele cimweja vitale vyakupangesa akwenyeka n̄ombelo ije ivakanena a visimbu vije vanemika, na kuli vanu kunena milambu yavo ya vimbuto vyakulivanga, na vushuka vwakulivanga vuje vuvanateje. Anuka vyoshe evi, yove Njambi, nakunjivezikisa.

Nehemiya 5:19

Njilomba kuli yove Shukulu Njambi, anuka vyoshe vije vyavivwa njalingila vanu ava.

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Myaso 102:9

Omwo njinali lito ngwe likende, vyakunwa vyange vanavikumbasana na misozi,

Myaso 119:80

Mbunge yange ipwe ya vushunga ku mashiko ove, ngeci kesi njizive shwamwa.

Myaso 16:8

Simbu yoshe Shukulu Kalunga ali muyehi nange mukunjikwasa, co nacimo cai casa kunjizivisa lyova.

Myaso 26:3

Cizemo cove cije kucesi kutenguluka cinjitwamenene, na kulongwa kwove kunjitwamenene simbu yoshe.

Myaso 32:2

Navezika munu uje Shukulu Kalunga kamulavela lalo vivi vyendi, munu uje kesi na makuli mu mbunge yendi.

Myaso 6:6

Vusiwa vwange vunanjizeyesa, vutsiki na vutsiki vulili vwange na musato wange vijula na misozi.

Myaso 6:8

Wazivi kulila kwange yove Shukulu Kalunga, ngecivene, tundeni kuli yange yeni voshe vaka-vuvi.

Isaya 38:2

Hezekiya wakengesele cihanga cendi ku civumbe, co walombelele ngwendi,

Isaya 38:4

Asinoni Shukulu Kalunga washikile Isaya

Hoziya 12:4

Walwile na kangelo, co wamuhyanene. Yakomba walilile nakulomba civezikiso. Co Njambi wezile kuli kukulwila yetu Yakomba ku Mbetele, co wendekele nendi.

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Kwituluka mu Mashiko 6:18

Ngecivene, mukalinge vyakushungama na vyavivwa vije Shukulu Kalunga wamishikile kuvilinga, ngeci mukakale mwamuvwa. Co mukakovela nakushwana lifuti lyalivwa lije Shukulu Kalunga walikulaesele kulyana kuli vakukulwila veni,

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.