Isaya 38:19 - Livulu lya Shukulu Kalunga

¹⁹ Kuvanga vaka-kuyoya lika vakevo vakushangazala, ngwe munjili nakukushangazala yange ololo. Visemi valeka vana vavo mukwafwa kulongwa kwove.

Isaya 38:19 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

Myaso 118:17

Kunjikatsi embwe, oloni njikayoya, ngeci njambulule vije vyanalingi Shukulu Kalunga.

Myaso 119:175

Tava njiyoye, ngeci njikushangazale, co vilongesa vyove vinjikwase!

Myaso 145:4

Cisemwa na cisemwa cikashangazala vyuma vije viwunalingi, vakambulula vipangi vyove vya nzili.

Myaso 146:2

Njikashangazala Shukulu Kalunga mukuyoya kwange kwoshe! Njikaimba mwaso wakushangazala Njambi yange, mukuyoya kwange kwoshe.

Kutuuka 10:2

ngeci mukase kukalekako vana veni na vatekulyeni omu munjinapwisa vaka-Ingito vikolokomba omo akulinga vikomokeso akati kavo. Co yeni voshe mukazivuka ngweni kuma yange njapwa Kalunga.”

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Njwele 1:3

Lekeniko vana veni cuma eci, na vakevo vakalekeko lalo vana vavo, co vana vavo lalo vakalekeko cisemwa cije cikaija kulutwe.

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Kwituluka mu Mashiko 11:19

Mukaalongesa kuli vana veni, nakuwasimutwiya kuli vakevo omo muli mu vinjuvo vyeni, nambe omo mulinakwenda mu ngila, nambe omo mulinakuhwima, nambe omo mulinakupanga.

Kwituluka mu Mashiko 4:10

Anukeni litangwa lije mwemanene ku mesho a Shukulu Kalunga Njambi yeni ku Munkinda wa Sinai, omo Shukulu Kalunga wendekele kuli yange ngwendi, ‘Kungulula vanu. Njishaka valizivile vakevo vavenya evi njendeka, ngeci valilongese kunjizivila lyova matangwa oshe akuyoya kwavo mu lifuti, ngeci vakavilongese kuli vana vavo.’

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

Kwituluka mu Mashiko 6:7

Alongeseni kuli vana veni nakuwasimutwiya omo muli mu vinjuvo vyeni, nambe mulinakwenda mu ngila, nambe simbu ya kulala, nambe omo mupanga.