Isaya 38:1 - Livulu lya Shukulu Kalunga

¹ A matangwa aje Mwene Hezekiya wavinjile, co washakele kutsa. Isaya muka-kwimanena muna Amoze waileko nakumumona, co wendekele kuli ikeye ngwendi, “Shukulu Kalunga nendeka ngwendi vwaesa mwamuvwa vyuma vyoshe, omwo kuwinduka embwe. Utsa.”

Isaya 38:1 Iomraidhean Croise

2 Samwele 12:22

Co Ndaviti wavakumbulwile ngwendi, “Eyo, njalikelele kulya, njalilile omo mwanike wakele na mwonyo. Njayongwele ngwange amo Shukulu Kalunga anjizivilako mema ku mbunge, munange enduka katsi.

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

2 Mizimbu 32:24

A matangwa aje Mwene Hezekiya wavinjile, co washakele kutsa. Walombelele kuli Shukulu Kalunga, co Shukulu Kalunga wamwanene cimweso ngeci akenduka ku mushongo wendi.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Isaya 1:1

Cimona ca Isaya muna Amoze, cije camwene ca a Yunda na Yelusalema simbu ije omo Uziya, na Yotame, na Ahaze, na Hezekiya vapwile vimyene va mu Yunda.

Isaya 37:2

Watumine Elyakime, mwata wa ku lipela, na Shevana, muka-kusoneka wa mu mbanja, na vaka-kukombelela va vakulunu kuli Isaya muka-kwimanena muna Amoze. Navo lalo vazalele vikeleya.

Isaya 37:21

Asinoni Isaya watumine majwi akuleka Mwene Hezekiya akukumbulula ku lilombelo lya mwene ngwendi,

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Yona 3:4

Ngecivene, Yona washangumukile kwita mu nganda, co omo wendele litangwa lyoshe, waile nakwimana-imana nakwambulula ngwendi, “Kunasala matangwa makumi awana lika Nenevayi vakayinyongesa!”

Vilinga vya Miluwa 9:37

A simbu ije vene wavinjile, co watsile. Vajwelesele muvila wendi nakuulangeka ku mulili wa akamwa ya njuvo.