Isaya 37:4 - Livulu lya Shukulu Kalunga

⁴ Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Isaya 37:4 Iomraidhean Croise

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

2 Mizimbu 28:19

Shukulu Kalunga wakeesele lifuti lya Yunda omwo Mwene Ahaze walingile mwamuvi, co wavulumwine manene kuli Shukulu Kalunga.

2 Mizimbu 34:21

“Yeni mukanjihwileko kuli Shukulu Kalunga nakwihwilako vanu ava vanasala mu Isalele na mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Isaya 1:8

Yelusalema lika ivanazengeleka vitozi, inapu ngwe cipundo ca muka-kunyunga citungu ca mikolovozi ya vushuka vwa vinyu, nambe ngwe cipundo ca muka-kunyunga lihya lya vinende.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 10:20

Simbu ilinakwija omo va Isalele vaje vanasalao kuyoya kuvakakulaela a muyati uje wavayandesele. Oloni mwa vushunga vakakulaela lika kuli Shukulu Kalunga, Njambi wakujela wa Isalele.

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 36:13

Asinoni mwata wemanene watambekele mu ciHevelu ngwendi, “Tolilileni evi vyamileka mwene wa Asilya.

Isaya 36:18

Kesi mutave Hezekiya amikwise akuyongola ngeci Shukulu Kalunga akamipatula. Kuma kuli vinjambi va ku miyati ya vanu veka vaamenene mafuti avo ku mavoko a mwene wa Asilya ndi?

Isaya 36:20

Simbu ikajo vinjambi va mafuti oshe awa vaamenene lifuti lyavo ku mavoko a mwene yetu? Cooni cuma mukajo cimiyongwesa ngeci Shukulu Kalunga asa kwamena Yelusalema?”

Isaya 37:17

Ololo Shukulu Kalunga, kenga a vyuma evi vilinakulingiwa kuli yetu. Tolilila ku vyuma vyoshe vije vyalinakwendeka Mwene Senakelivi vyakushaula yove Njambi wakuyoya.

Isaya 37:31

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

Isaya 37:32

Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga Muka-nzili yoshe nayongola vyuma evi ngeci visholoke.

Isaya 37:5

Omo Isaya watambwile majwi awa kuli Mwene Hezekiya,

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 46:3

“Njitolilileni, yeni vatekulwila va Yakomba, yeni voshe mwasalao kuli vanu vange. Njinamilele tunde ku simbu ije mwasemukile.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Ndanyele 2:18

Co wavalekele ngeci valombele kuli Njambi wa mwilu ngeci avazivileko mema ku mbunge nakumwihula ngeci alumbunune lihungu lya njozi ya mwene kuli vakevo ngeci kesi vavatsiye amolika na vaka-mana voshe va mu Mbambilone.

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Amose 7:2

Mu cimona cange njamwene vimbimba valya vimena vyoshe mu lifuti, co njendekele ngwange, “Shukulu Kalunga wa Akamwa ya Vyoshe sambesa vanu vove! Vatijo vayoya? Omwo vakevo vapwa vavandondo, vakuzeya!”

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.

1 Samwele 7:8

vendekele kuli Samwele ngwavo, “Kesi ulikele ku tulombelela kuli Shukulu Kalunga Njambi yetu ngeci atwamene kuli vaFilisitiya.”