Isaya 37:36 - Livulu lya Shukulu Kalunga

³⁶ Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 37:36 Iomraidhean Croise

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

2 Vimyene 19:35

Co vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

1 Mizimbu 21:12

Myaka itatu ya njala? Nambe vingonde vitatu vyakutewa vitozi vove? Nambe matangwa atatu aje Shukulu Kalunga akalwa nove na mukwale wendi, co akatuma mushongo wakulitambwisa mu lifuti lyove, akapangesa kangelo kendi kunena kutsa mu Isalele mwoshe? Yongolao a vyuma evi, co njileke cikumbululo cije cinjikaleka Shukulu Kalunga.”

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

Yombi 24:24

Kasimbu lika muka-vuvi akala mwamuvwa, oloni ajujwama ngwe shaku, ngwe cishati ca mbuto cije vanashevela asi.

Yombi 34:20

Munalume asa kutsa vwasi-vwasi mukati ka vutsiki. Njambi akahisa vanu, co vanyonga, akatsii vaka-nzili nakupindako kwai.

Kutuuka 12:23

Omo Shukulu Kalunga akaita mu Ingito nakutsiya vaka-Ingito, co ikeye akamona maninga a cipamba ca cikolo ca njuvo, co kakatavesa uje Kangelo Muka-kutsiya kukovela mu vinjuvo vyeni nakumitsiya.

Kutuuka 12:30

Co ku vutsiki vuje, mwene na vamyata vendi, na voshe vakwavo vaka-Ingito vakasumukile. Co kwakele kulila kwakama manene mu Ingito, omwo kukwakele njuvo imo yasaleleo yakujeneka kutsa mwana wa ntwatwa wa munalume.

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 10:25

Mu kasimbu kakandondo lika, njikalikela kumihisa, asinoni njikavanyongesa.

Isaya 10:26

Yange Kalunga Muka-nzili yoshe njikavapupa na likote lyange ngwe munjapupile vanu va ku Mindyani ku Limanya lya Oleve. Njikahisa Asilya ngwe munjahisile Ingito.

Isaya 27:7

Shukulu Kalunga kahisile manene Isalele ngwe muje mwahisile vitozi vavo, nambe kuvatsiya manene ngwe muje mwatsiile vitozi vavo embwe.

Isaya 29:5

Yelusalema vitozi vove voshe vaje vakulwisile vakapekumuka ngwe likungu, na mbunga ya mashwalale vavo vakujujwisa vakavapekumuna ngwe vishati. Vwasi-vwasi, kuzivuka,

Isaya 31:8

VaAsilya vakavatsiila mu nzita, oloni kesi na mikwale ya vanu embwe. Vakwenje vavo vakeseka kuputumuka, oloni vakavakwata nakuvapwisa vindungo.

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Mika 5:6

A nzili ya vitwa vakafungulula Asilya, na lifuti lya Nimelonde, co vakatwamena kuli vaAsilya omo vakovela mu lifuti lyetu.

Nahumi 1:12

Evi vikevyo vyalinakwendeka Shukulu Kalunga kuli vanu vendi va Isalele ngwendi, “Nameme vaAsilya vatumu manene, nambe vali na nzili, vakanyonga, co vakaziluka. Vanu vange, njamiyandesele, oloni kunjikacilingi lalo embwe.

Nahumi 3:3

Vanalume vaka-kwendela a tuvalu vaya kulutwe mukulwa, mikwale ivyakuma, na makunga avyakuma! Vivimbi vanalundama mutumbo, ije naumo wai asa kuvalava, vanalume valinakutanozokao!

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.