Isaya 37:30 - Livulu lya Shukulu Kalunga

³⁰ “Eci cikeco cimweso ca vije vikasholoka. Mwaka uno na mungolosika, mukalya lika vimbuto vyakulimenena mu shwata, oloni mungolosikulula mukalima tiliku nakuyiteja, co mukakuna mikolovozi ya vushuka vwa vinyu, nakulya vushuka vwakwo.

Isaya 37:30 Iomraidhean Croise

2 Vimyene 19:29

“Eci cikeco cimweso ca vije vikasholoka. Mwaka uno na mungolosika, mukalya lika vimbuto vyakulimenena mu shwata, oloni mungolosikulula mukalima tiliku nakuyiteja, co mukakuna mikolovozi ya vushuka vwa vinyu, nakulya vushuka vwakwo.

2 Vimyene 20:9

Isaya wamukumbulwile ngwendi, “Shukulu Kalunga akakwana cimweso cakumwesa ngeci ikeye akanyunga cikulaeso cendi. Co ololo, yove ushaka munzinze uye kulutwe manambo likumi indi wiluke munima manambo likumi?”

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Isaya 38:7

Isaya wakumbulwile ngwendi, “Shukulu Kalunga akakwana cimweso cakumwesa ngeci ikeye akanyunga cikulaeso cendi.

Isaya 65:21

Vanu vange vakatunga vinjuvo vyavo, co vakakuna vitungu vya mikolovozi ya vushuka vwa vinyu nakulya vushuka vwakwo.

Isaya 7:11

“Lomba kuli Shukulu Kalunga Njambi yove ngeci akwane cimweso. Cilombe casa kutunda mwa kulova mwisi ya vukalo vwa vatsi nambe mwilu ya melu.”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

VaLevi 25:11

Kesi mukakuve vimbuto mu mahya eni, nambe kuteja vimbuto vya mutoto, nambe kukungulula vushuka mu mahya eni vwa miti ya vinyu ya kunonga.