Isaya 37:29 - Livulu lya Shukulu Kalunga

²⁹ Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje kunjinashaka.

Isaya 37:29 Iomraidhean Croise

Yombi 41:2

Kuma wasa kwaka mukole mu lijulu lyendi, nambe kwaka kalovo mu vimbange vyendi ndi?

Myaso 32:9

Kesi mupwe ngwe kavalu nambe kupanga ngwe cimulu, vaje kuvesi na mana, vaje vavendesa na cikuvo ca mu kanwa, mukuvononwesa ngeci vende mwamuvwa.”

Myaso 46:6

Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

Myaso 74:23

Kesi wivale muyoyo, uje uvalinakulinga vitozi vove, uje uvalinakulinga simbu yoshe.

Myaso 74:4

Vitozi vove vanatambeka nakuvwaelela mu Njuvo yove, vanashimbika vipandelo kupwa vimweso vyakuhyana.

Myaso 83:2

Kenga, vitozi vove vanakukatukila, na vaje vakuzinda vanakutengulukila.

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 30:28

Ikeye akatumu lihunzi kulutwe lwendi, co lipwa ngwe livazi lije lisindumwina vyuma vyoshe kulyala. Likakombo mafuti nakuwanyongesa nakumanesa matumbe avo amavi.

Isaya 36:10

Kuma wayongola ngwove njinalwisa lifuti lyove nakulinyongesa kujeneka Shukulu Kalunga kunjikwasa ndi? Shukulu Kalunga vavenya ikeye wanjilekele kulilwisa nakulinyongesa.”

Isaya 36:4

Mwata wa vaAsilya wavalekele ngwendi mwene ashaka kuziva vika vyalingisile Mwene Hezekiya kukulaela kwangacije.

Isaya 37:10

wa mu Yunda wamulekele ngwendi, “Uje njambi iwakulaela nakuleka ngwendi kunjasa kukufungulula, oloni kesi ukulaele vyuma evi embwe.

Isaya 37:34

Ikeye akeluka lalo mu ngila ije yezililile, kujeneka kukovela mu nganda. Yange Kalunga, njinendekamo.

Isaya 37:7

Shukulu Kalunga akazivisa mwene wa Asilya lingwavo lije likamwilwisila kwimbo lyavo, co Shukulu Kalunga akamutsiila kuje vene.”

Ezekiyele 29:4

Njikaka kalovo mu vimbange vyove, co visi va mu ndonga vakakakateya kuli yove. Asinoni njikakukokela a nunda ya Ndonga ya Nailo, amo na visi voshe vaje vanakakateya ali yove.

Ezekiyele 35:13

Njinazivi kulishasha na kulyalesa kuunendeka ali yange.”

Ezekiyele 38:4

Yange njikamutengulula, nakumwaka tulovo mu vimbange vyendi, nakumukokangeya nakumutwala kulyala amo na vanu vendi voshe. Mashwalale vendi, amo na tuvalu twavo, na vaka-kulondao vaje vaka-kuzala vuzalo vwakulifwa, vanapu vavangi, co lishwalale woshe nambata ntelo nakulilemeka mukwale.

Amose 4:2

Shukulu Kalunga wa Akamwa ya Vyoshe nalisingi a lizina lyendi lyakujela ngwendi, “Litangwa likaija omo vakamikokangeya na tulovo, munu na munu akapwa ngwe isi ali ku kalovo.

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Vilinga vya Miluwa 22:22

Vanu vatolililile kuli Paulu noo wendekele evi, oloni vashangumukile kutambeka manene ngwavo, “Kutwamushakele ou munalume! Mutsiyeni! Kapandele kuyoya!”

Vilinga vya Miluwa 9:4

Co wawililile asi wazivile lijwi lyendekele kuli ikeye ngwalyo, “Saulu, Saulu! Vika ulinakunjiyandesela?”