Isaya 37:27 - Livulu lya Shukulu Kalunga

²⁷ Vanu vakelemo kuvakele na nzili, oloni vazeyele nakuziva lyova. Vafwile ngwe mwila wa mu lihya nambe ngwe shaku yakukolela a ciluli ca njuvo, co ipekumuka na lihunzi lyakutundilila mu ngangela.

Isaya 37:27 Iomraidhean Croise

Kushangumuka 41:6

Mitwe ikwavo itanu na ivali yamenene lalo, yakwekwiya nakwenya na lihunzi lya ntwima lya mu mambo.

2 Vimyene 19:26

Vanu vakelemo kuvakele na nzili, oloni vazeyele nakuziva lyova. Vafwile ngwe mwila wa mu lihya nambe ngwe shaku yakukolela a ciluli ca njuvo, co ipekumuka na lihunzi lyakutundilila mu ngangela.

Myaso 103:15

Mwonyo wa munu unapu ngwe mwila, munu akula mwamuvwa ngwe shani ya mu shwata,

Myaso 129:6

Valifwe ngwe mwila uje unamene akamwa ya njuvo, mwila uje wasa kuma simbu ucili waundondo.

Myaso 37:2

Vakevo vakahwa ngwe mwila wakuma, vakajujwama ngwe maputa akutonola.

Myaso 92:7

nameme vaka-vuvi vakola ngwe mwila, na voshe vaka-kulinga vyavivi vakala na vufuko vwavungi, vakavanyongesa ku myaka yoshe,

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Ezekiyele 35:13

Njinazivi kulishasha na kulyalesa kuunendeka ali yange.”

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Mateo 10:27

Evi vinjilinakumileka mu vushweke, mukavyendeka mu mbunga, co nevi mulinakuziva vyakuyeveta, vyambululeni ku lifuti lyoshe.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,