Isaya 37:24 - Livulu lya Shukulu Kalunga

²⁴ Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

Isaya 37:24 Iomraidhean Croise

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Kutuuka 15:9

Citozi wendekele ngwendi, ‘Njikavakava, co njikavakwata, njikaangununa vufuko vwavo, co njikambata vyoshe vinjishaka, njikashomona mukwale wange, co njikavanyongesa na livoko lyange.’

Isaya 10:18

Shwata ya vwilo na shwata yakulima mahya vikanyonga, ngwe mu cifwa cije cakatsi munu ku mushongo wauvi.

Isaya 10:33

Shukulu Kalunga Muka-nzili yoshe akavawisila asi ngwe minango yakushaja ku muti. Co vaka-kulyalesa na vaka-kulijundula vakevo vavenya vakavashinjila asi nakuvazivisa shwamwa.

Isaya 10:34

Shukulu Kalunga akavashinjila asi ngwe muvakashinji na njaviti miti ya mukati-kati ka shwata, ngwe muyikau miti yaivwa ya Lembanone.

Isaya 14:8

Co miti ya Sipelese na miti ya kendale ya ku Lembanone ikavwaelela ngwe vanu akuwa kwa mwene, omwo kukwesi weka lalo akaishinja.

Isaya 29:17

Mu kasimbu kakandondo lika, shwata yakuzika ikapwa lihya lya vushuka, co lihya lya vushuka likapwa shwata.

Isaya 36:9

Yove kuwesi na nzili yakweseka nameme na mwata wamundondo wa Asilya, yove wakulaela vaka-Ingito kukutumina matemba na vaka-kwendela a tuvalu.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Njelemiya 22:6

“Kuli yange, lipela lya vumwene vwa Yunda linapu lyalivwa manene ngwe lifuti lya Ngilyande, co ngwe lalo Minkinda ya Lembanone, oloni njikalipwisa ngundu muje naumo wai akakalamo.

Njelemiya 22:7

Njikatuma vanu ngeci vakalinyongese. Voshe vakaija na vinjaviti vyavo mukushinja vimanda vyayo vyavivwa vya kendale, nakuvyumbila mu liko.

Njelemiya 46:8

Vakevo vaka-Ingito valinakukatuka ngwe Nailo, ngwe ndonga ije inajalela mema nakweta ku ngenge yayo. Ingito yendekele ngwayo, ‘Njikakatuka nakufwika kaye! Njikanyongesa vinganda na vanu vaje vakalamo.’

Ezekiyele 21:2

“Muna munu, endeka ku Yelusalema. Ambulwila lijwi ku mitambela kuje vakalemesela vanu. Ambulula vuka-kwimanena ku lifuti lya Isalele,

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”