Isaya 37:17 - Livulu lya Shukulu Kalunga

¹⁷ Ololo Shukulu Kalunga, kenga a vyuma evi vilinakulingiwa kuli yetu. Tolilila ku vyuma vyoshe vije vyalinakwendeka Mwene Senakelivi vyakushaula yove Njambi wakuyoya.

Isaya 37:17 Iomraidhean Croise

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

2 Vimyene 19:16

Ololo Shukulu Kalunga, kenga a vyuma evi vilinakulingiwa kuli yetu, tolilila ku vyuma vyoshe vije vyalinakwendeka Senakelivi vyakushaula yove Njambi wakuyoya.

2 Mizimbu 6:40

“Ololo Shukulu Kalunga Njambi yange, kenga ali yetu, co tolilila malombelo atulombela mu mwela uno.

2 Mizimbu 7:15

Njikanyunga Njuvo eyi, nakuziva malombelo oshe avakalombela mu mwela uno,

Yombi 36:7

Ikeye muka-kunyunga vaje vaka-vushunga, akavatavesa, kushwana ngwe vimyene, nakuvatava ngeci vavasingimike ku myaka yoshe.

Myaso 116:1

Njizema Shukulu Kalunga, omwo nazivi malombelo ange.

Myaso 17:6

Njilomba kuli yove Njambi yange, omwo ukanjikumbulula, co tolilila majwi ange.

Myaso 71:2

Njipatule nakunjamena mu vushunga vwove, njitolilile nakunjamena.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 74:22

Katuka nakulyamena yove Njambi! Anuka ngeci simbu yoshe vaka-vuvi valinakukujola!

Myaso 79:12

Shukulu Kalunga hisa miyati lutanu na luvali akukushaula.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

1 Petulu 3:12

Omwo Mwene akakenge ali vaka-vushunga, co akazivi malombelo avo, oloni akayeluwisa vaje vaka-kulinga vuvi.”