Isaya 37:16 - Livulu lya Shukulu Kalunga

¹⁶ “Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Isaya 37:16 Iomraidhean Croise

Kushangumuka 1:1

Akulivanga Njambi watangele lilu na kaye.

2 Samwele 7:26

Lizina lyove likapwa lyakama simbu yoshe, co vanu vakendeka ngwavo, ‘Shukulu Kalunga Muka-nzili yoshe ikeye Njambi ya Isalele.’ Co yove ukakolesa vushwana vwange simbu yoshe.

1 Vimyene 18:32

Watungulwile mutula wakulemesela Shukulu Kalunga na mamanya likumi na avali. Co ikeye wazengelekeleko mbulu. Elinja wacokwele ngunja ya kuzengeleka mutula ije yashulile na malita a mema likumi na awana.

1 Vimyene 8:6

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

2 Vimyene 5:15

Co welukilile kuli Elisha amo na vanu vendi voshe wendekele ngwendi, “Ololo njazivuka ngwange mu kaye mwoshe kumwesi Njambi kuvanga lika Njambi ya Isalele, ngeci mwane, tambula vwana vwange ngamba yove.”

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Myaso 86:10

Yove uwakama, co ukalingi vyuma vyakukomokesa omwo yove lika u Njambi.

Myaso 99:1

Shukulu Kalunga ikeye mwene, miyati yoshe inapande kujaja! Natumbama a litanda lyendi lya vakelumbi va mambava, asi anapande kundunduma.

Kutuuka 25:22

Co njikakuwana muje mu Mbalaka Mwakuliwanena akamwa ya cifwiko ca mema ku mbunge, mukati ka vaje vakelumbi vavali va mambava, co njikakwana mashiko ange oshe aali vanu va Isalele.

Isaya 37:15

co walombelele ngwendi,

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 40:22

Njambi ikeye muka-kushwana kaye koshe vanu voshe valinakuyoyao, vanapu lika ngwe mishwa. Ikeye wajangumwine lilu, ngwe nanga, ngwe mbalaka yakushokolola.

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 8:13

Anuka ngeci yange Kalunga Muka-nzili yoshe, njapwa wakujela, yange lika imunapande kukomoka.

Yowano 1:3

Ali ikeye Njambi watangele vyuma vyoshe, co kukwesi cuma civatangele kujeneka ikeye cai.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Kolose 1:16

Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

1 Samwele 4:4

Ngecivene, vatumine miluwa ku Shilo vakashakele Cikasa ca Cikumiiyo ca Shukulu Kalunga Muka-nzili yoshe, uje ali akamwa ya vakelumbi. Co vana va Eli vavali, Hofene, na Finehase, vezile na Cikasa ca Cikumiiyo.