Isaya 37:12 - Livulu lya Shukulu Kalunga

¹² Vakukulwila vange vanyongesele vinganda vya Ngozane, na Halane, na Lezefe, co vatsiile vanu va ku Mbetendene vaje vakele mu Telasale, njambi yavo naumo wai wavamenene.

Isaya 37:12 Iomraidhean Croise

Kushangumuka 11:31

Tela waile na munendi Avilama, na mutekulyendi Lote muna Halane, na vainamweno Salai munakazi wa Avilama, co watundile mu nganda ya Ule mu Mbambilone amo navo ngeci aye ku lifuti lya Kanana. Co vetele ku lifuti lya Halane nakutunga muje.

Kushangumuka 11:32

Tela watsililile kuje omo wakele na myaka 205.

Kushangumuka 12:14

Omo Avilama na munakazi wendi Salai vetele mu Ingito, co vaka-Ingito vamwene ngeci Salai munakazi wa Avilama wapwile wamuvwa manene.

Kushangumuka 2:8

Asinoni Shukulu Kalunga Njambi watombekele miti mu Endeni mu ngangela, co waakelemo munu uje yatangele.

Kushangumuka 28:10

Yakomba watundile ku Mbeleshemba, waile ku Halane.

Kushangumuka 29:4

Yakomba wehwile tunyungi ngwendi, “Eni vandolome vange, mutunda kuli?” Vamukumbulwile ngwavo, “Tutunda ku Halane.”

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 18:11

Mwene wa vaAsilya watwalele vaIsalele ku Asilya kupwa vinzinda, co vamo wavaakele mu nganda ya Hala, vakwavo wavaakele kuyehi na Ndonga ya Hambole, ku mutambela wa Ngozane, co vakwavo wavaakele mu vinganda vya Mendiya.

2 Vimyene 19:12

Vakukulwila vange vanyongesele vinganda vya Ngozane na Halane na Lezefe, co vatsiile vanu va ku Mbetendene vaje vakele mu Telasale, njambi yavo naumo wai wavamenene.

Isaya 36:18

Kesi mutave Hezekiya amikwise akuyongola ngeci Shukulu Kalunga akamipatula. Kuma kuli vinjambi va ku miyati ya vanu veka vaamenene mafuti avo ku mavoko a mwene wa Asilya ndi?

Isaya 36:19

Vali kulijo ololo vinjambi va ku Hamate, na ku Alepande? Vali kulijo vinjambi va vaSefalevaime? Kuma kuli umo wavo waamenene Samaliya ndi?

Isaya 36:20

Simbu ikajo vinjambi va mafuti oshe awa vaamenene lifuti lyavo ku mavoko a mwene yetu? Cooni cuma mukajo cimiyongwesa ngeci Shukulu Kalunga asa kwamena Yelusalema?”

Isaya 37:13

Vali kulijo vimyene va vinganda vya Hamate, na Alepande, na Sefalevaime, na Hena, na Ivaha?”

Ezekiyele 27:23

Vinganda vya Halane, na Kanehe, na Endeni, na vaka-kulandesa va ku Shemba, na vaka-vinganda vya Ashule, na Kilemande, voshe valandulwile nove.

Ezekiyele 28:13

Yove wakele mu Endeni lihya lya Njambi, wazalele vya mamanya a miyati yoshe, mamanya a lumbi, na ndaimani, na topaze, na mbelilu, na kanelya, na njasipa, na safile na emalinde, na nganete. Yove wakele na makai a ngolinde. Vakulingililewo a litangwa lije vakutangele.

Amose 1:5

Njikavatozola vikolo vya nganda ya Ndamasiku nakutundisa vanu vakala mu cimbongo ca Avene na muka-kushwana wa ku Mbetendene. Co vanu va ku Silya vakavatwala mu vunzinda ku lifuti lya Kile.” Filisitiya

Vilinga vya Miluwa 7:2

Co Setefano wamukumbulwile ngwendi, “Vandolome na vatate njitolilileni! Simbu kanda kukulwila yetu Avilahama waile nakukakala mu Halane, Njambi wa vumpau walisholwele kuli ikeye mu Mesopotamya,