Isaya 36:22 - Livulu lya Shukulu Kalunga

²² Co Elyakime, na Shevana, na Yowahe vatavozwele vuzalo vwavo mukuviilila, co vakalekele mwene vije vyendekele mwata wa Asilya.

Isaya 36:22 Iomraidhean Croise

2 Vimyene 18:18

Asinoni ije mbunga ya mashwalale vasanene Mwene Hezekiya, co ikeye wavatuminine vamyata vendi vatatu nakuliwana navo, Elyakime muna Hilikiya, wapwile mwata wa ku lipela na Shevana muka-kusoneka wa mu mbanja na Yowahe muna Asafe, muka-kunyunga vyakusoneka.

2 Vimyene 5:7

Omo mwene wa mu Isalele walavele uje mukanda, co watavwile vuzalo vwendi mukuviilila, walikomokelele, co wendekele ngwendi, “Omwo vikajo mwene wa Silya nayongola ngwendi yange njasa kukangwisa ou munalume? Kuma ikeye nayongola ngwendi yange nji Njambi, uje ali na nzili yakutsiya nambe yakuyoyesa ndi? Eci casholoka mwa vushunga vene ngeci ashaka lika kulinga vimata nange!”

Ezela 9:3

Omo njazivile vyuma evi, co njatavozwele vuzalo vwange mukuviilila, njatetele vin̄ambu vya ku mutwe wange na munjezi wange, njazivile vusiwa, co njatumbamene asi.

Isaya 22:15

Shukulu Kalunga wa Akamwa ya Vyoshe Muka-nzili yoshe wanjilekele kuya kuli Shembena, mukulunu wa ku njuvo ya mwene, njikendeke nendi ngwange,

Isaya 22:20

Shukulu Kalunga wendekele kuli Shembena ngwendi, “Omwo vyuma evi vilingiwa, co njikatuma ngamba yange Elyakime muna Hilikiya.

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Isaya 33:7

Mashwalale vakusimpa valinakutambeka ngeci vavakwase. Miluwa vaje vashakele kunena kwoloka ololo valinakulila manene.

Isaya 36:11

Ngecivene, Elyakime, na Shevana, na Yowahe valekele uje mwata ngwavo, “Endeka netu mu ndaka ya Alamaike tuziveko, kesi wendeke mu ciHevelu, omwo vanu voshe vali a civumbe valinakutolilila.”

Isaya 36:3

VaYunda vatatu vezile nakuliwana nendi, mwata wakama wa ku lipela, Elyakime muna Hilikiya, muka-kusoneka wa mu mbanja, Shevana, na mwata wakama muka-kunyunga vyakusoneka, Yowahe muna Asafe.

Njelemiya 36:24

Oloni nambe mwene, nambe umo wa ali vamyata vendi uje wazivile vyoshe vije vasonekele muje mu livulu, kuvazivila lyova nambe kumwesa cimweso cimo ca vusiwa.

Mateo 26:65

A majwi awa, Muka-kukombelela Wakama watavwile vuzalo vwendi nakwendeka ngwendi, “Nashaula Njambi! Vikajo lalo tucishakezekela vukaleo vweka? Ololo vene mwalizivila kushaula kwendi a majwi endi!