Isaya 36:16 - Livulu lya Shukulu Kalunga

¹⁶ Kesi mutolilile kuli Hezekiya embwe! Mwene wa Asilya alinakumishika ngeci mutuuke mu nganda mwakuliite. Co muvavoshe vakamitavesa kulya ku mikolovozi ya vushuka vwa vinyu, na mikuyu ya ku miti yeni, nakunwa mema a mu masima eni,

Isaya 36:16 Iomraidhean Croise

Kushangumuka 32:20

Munapande kwendeka lalo ngweni, ‘Eyo, ngamba yove Yakomba alinakwija munima yetu.’ ” Wayongwele ngwendi, “Njikamuhwimisa mu mbunge avwana ovu njinamwana, co omo njiliwana nendi, amo akanjisambesa.”

Kushangumuka 33:11

Mwane, tambuleni vwana ovu njinaminenela omwo Njambi nanjitetela, nakunjana vyuma vyoshe evi njilinavyo.” Co Yakomba wamusindiiye noo Isau wavutambwile.

2 Samwele 8:6

Asinoni ikeye watungile vilombo vya mashwalale mu lifuti lyavo, co vanu vamwo vapwile vindungo vendi, co vafwetele lisimu kuli ikeye. Ngecivene, Shukulu Kalunga wahyanesele Ndaviti kwoshe-ikwoshe kwaile.

1 Vimyene 4:20

Vanu va Yunda na Isalele vapwile vavangi manene ngwe lishen̄avu lya ku cikuma ca mema a kalunga, valile na kunwa, co vavwaelelele.

1 Vimyene 4:25

Co simbu yoshe yakuyoya kwa Solomoni, mu Yunda na mu Isalele mwoshe vanu vayoyele mwamuvwa, co naanga na naanga yakele mwisi ya miti yavo ya vinyu na mwisi ya miti yavo ya mikuyu.

2 Vimyene 18:31

Kesi mutolilile kuli Hezekiya embwe. Mwene wa Asilya alinakumishika ngeci mutuuke mu nganda mwakuliite. Co muvavoshe vakamitavesa kulya ku mikolovozi ya vushuka vwa vinyu na mikuyu ya ku miti yeni, nakunwa mema a mu masima eni,

2 Vimyene 5:15

Co welukilile kuli Elisha amo na vanu vendi voshe wendekele ngwendi, “Ololo njazivuka ngwange mu kaye mwoshe kumwesi Njambi kuvanga lika Njambi ya Isalele, ngeci mwane, tambula vwana vwange ngamba yove.”

Visimo 27:18

Uje avwaesa muti wa mukuyu, akalya vushuka vwawo, na munu lalo uje ononoka Shukulu Kalunga kendi, vakamusingimika.

Visimo 5:15

Pwa muka-kulongwa kuli munakazi wove, mwesa cizemo cove kuli ikeye lika.

Isaya 36:17

noo mwene namyaka mu lifuti lyakufwa ngwe lyeni, muje muli vitungu vya mikolovozi ya vushuka vwa vinyu, na tiliku yakulinga vunga vwa makende.

Mika 4:4

Vakakala mu kwoloka akati ka mikolovozi ya vushuka vwa vinyu yavo na miti ya mikuyu yavo, co naumo wai akavazivisa lyova. Shukulu Kalunga muka-nzili yoshe nakulaesa eci.

Zakaliya 3:10

Omo litangwa lije likaija, umo na umo akalanya mukwavo kwija mukulivwaelelesa nakukala mu kwoloka nakulinyunga, vitungu vya mikolovozi ya vushuka vwa vinyu, na miti ya mikuyu ikamizengeleka.’ ”

2 Kolinte 9:5

Ngecivene, njayongola ngeci nga citava njitume vwasi vandolome ava kulutwe lwange ngeci vaminangule mulivwaesele cimweja a vwana vuje vumwakulaesele kwana. Asinoni omo njeta, munavuvwaesa laja, co eci cikamwesa ngeci kuma yeni mulinakwana omwo mulinakushaka kucilinga, kesi ngwe omo valinakumisindiya embwe.

1 Samwele 11:3

Co vantwama va ku Njembeshe vendekele ngwavo, “Twane matangwa atanu na avali tutume miluwa mu lifuti lyoshe lya Isalele. Nga kukwesi umo wakutukwasa, asinoni tukafungulukila kuli yove.”

1 Samwele 25:27

Shukulu, mwane, tambula vwana ovu njinakunenela, ngeci uvwane kuli vanu vove.