Isaya 36:11 - Livulu lya Shukulu Kalunga

¹¹ Ngecivene, Elyakime, na Shevana, na Yowahe valekele uje mwata ngwavo, “Endeka netu mu ndaka ya Alamaike tuziveko, kesi wendeke mu ciHevelu, omwo vanu voshe vali a civumbe valinakutolilila.”

Isaya 36:11 Iomraidhean Croise

Ezela 4:7

Co lalo omo Mwene Aletasheleshe wa ku Pelesha washwanene, Mbeshelame, na Mitelendate, na Tambele, na vimbunga vyavo vasonekele mukanda kuli mwene. Co uje mukanda vausonekele mu ciAlamaike, vaunungulwile omo vaulavelele.

Isaya 22:15

Shukulu Kalunga wa Akamwa ya Vyoshe Muka-nzili yoshe wanjilekele kuya kuli Shembena, mukulunu wa ku njuvo ya mwene, njikendeke nendi ngwange,

Isaya 22:20

Shukulu Kalunga wendekele kuli Shembena ngwendi, “Omwo vyuma evi vilingiwa, co njikatuma ngamba yange Elyakime muna Hilikiya.

Isaya 36:12

Co ikeye wavakumbulwile ngwendi, “Kuma mwayongola ngweni mwene nanjitumu kuli yeni lika na kuli mwene kumileka evi vin̄anda ndi? Embwe, njilinakwendeka lalo kuli vanu ava vanatumbama a civumbe, vaje vakalya vije vitunda mwimo lyavo nakunwa mema aa mivila yavo, ngwe yeni lalo.”

Isaya 36:13

Asinoni mwata wemanene watambekele mu ciHevelu ngwendi, “Tolilileni evi vyamileka mwene wa Asilya.

Ndanyele 1:4

Vakevo vanapande kupwa vavavwa akuvakenga, vakunyanyama, vaje vavalongesa mwamuvwa, vaka-mana mukulilongesa, vakujeneka kapenga ngeci vakapange mu lipela lya mwene. Co Ashepenaze avalongese kulava nakusoneka ndaka ya vaMbambilone.

Ndanyele 2:4

Co vakevo vakumbulwile mwene mu ndaka ya ciAlamaike ngwavo, “Yove shukulu yoya ku myaka yoshe! Tuleke njozi yove, co tukakulumbunwinayo.”