Isaya 35:8 - Livulu lya Shukulu Kalunga

⁸ Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 35:8 Iomraidhean Croise

Myaso 118:20

Eci cikeco cikolo ca Shukulu Kalunga, kuvanga vaka-vushunga lika vakevo vakakovelamo!

Myaso 119:130

Kununguluka kwa vilongesa vyove kwana ceke, kwana mana kuli vaje kuvazivuka.

Myaso 19:7

Mashiko a Shukulu Kalunga apwa akulumbunuka, akewo akolesa mwonyo. Mashiko a Shukulu Kalunga apwa amavwa kuwakulaela, aana mana kuli vaje vanawajeneka.

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Visimo 16:17

Ngila ya vaka-vushunga ikeyo kutewa vuvi, ngecivene, uje anyunga ngila yendi anyunga mwonyo wendi.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Visimo 8:20

Njikende mu ngila ya vushunga, nakukava vingila vyakushungama,

Visimo 9:4

“Voshe vanu vakweeva vaije kuno!” Co ku vilema endeka ngwawo,

Isaya 11:16

Co kukakala tapalo ya vanu vendi vaIsalele vaje vanasalao yakutunda ku Asilya, ngwe muje muyapwile tapalo ya vakukulwila vavo omo vatundile mu Ingito.

Isaya 19:23

Omo simbu ije iketa, kukakala tapalo yakama mukati ka Ingito na Asilya. Vaka-Ingito na vaAsilya vakalyendela, co vakalemesela amolika.

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Isaya 33:8

Vitapalo vyakama ololo vili na vushonde, co naumo wai alinakwendelamo. Lizivasano na cikumiiyo vinahu. Kukwesi lalo kalemeso ku munu uje anyunga cikulaeso.

Isaya 4:3

Munu woshe uje nasalao mu Yelusalema, uje yanaangula Njambi ngeci ayoye vakamutumbula wakujela.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 43:19

Kengeni ku vyuma vyaviha vije vinjikalinga. Vyalingiwa laja, mwasa kuvimona ololo! Njikamanga tapalo mu mambo, nakwitisamo vana va vindonga vya mema.

Isaya 51:10

Yove lalo womisile mema a kalunga cau, nakutenda ngila mukati ka mema, ngeci vanu vove vase kujavuka.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Isaya 57:14

Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Njelemiya 31:21

Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Ezekiyele 43:12

Eli likelyo lishiko lya Njuvo yange, mutambela woshe wa Njuvo yange uje uli akamwa ya munkinda unapu wakujela manene.”

Ezekiyele 44:9

“Yange Kalunga wa Akamwa ya Vyoshe, njinendeka ngwange naumo wai muka-kwija wakujeneka kutuuka, nambe wakujeneka kunjononoka, akakovela mu Njuvo yange, nambe vene muka-kwija uje alinakukala akati ka vanu va Isalele.”

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

VaLevi 26:6

“Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

1 Tesalonika 4:7

Omwo Njambi katusanene ngeci tuyoye mu vupangala embwe, oloni mukujela.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

1 Petulu 1:16

Visoneka vyendeka ngwavyo, “Pweni vakujela omwo yange njapwa wakujela.”

2 Petulu 3:13

Oloni yetu tuvandamena vije vyanakulaesa Njambi, vikevyo, lilu lyaliha na kaye kakaha, muje mukakala vushunga.

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.