Isaya 35:6 - Livulu lya Shukulu Kalunga

⁶ Vilema vakajombozoka nakukina, na vaje voshe kuvasele kwendeka, vakatambeka nakujolela. Vana va vindonga vakaita mukati ka mambo,

Isaya 35:6 Iomraidhean Croise

Nehemiya 9:15

“Omo vakele na njala, wavanene makende akutunda mwilu, na mema akutunda mu limanya omo vakele na lihwila. Wavalekele kutambula lifuti, lije wavakulaesele kuvanalyo.

Myaso 107:35

Watengulwile mambo kupwa vingunja vya mema, na livu lyakuma kupwa masima a tuvwelu-vwelu.

Myaso 46:4

Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

Myaso 51:15

Njikwase kwendeka yove Shukulu Kalunga, co njikakushangazala.

Kutuuka 17:6

Yange njikakala kulutwe lwove a limanya a Munkinda wa Sinai. Pupa a limanya, co mema akatuukako ngeci vanu vakanwe.” Co Mosesa walingile ngacije ku mesho a vantwama va Isalele.

Isaya 30:25

A litangwa lije omo vimpaka vya vitozi vyeni vanavifungulula nakutsiya vanu vamwo, co ku munkinda woshe na ku lilundu lyoshe kukaita vana va vindonga.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 32:4

Vaka-vimbunge vya vwasi-vwasi vakazivuka nakuzivisisa, co ndaka ya vaka-cikukuma ikalivwaesela kwendeka mwamuvwa.

Isaya 33:23

Oloni lifuti lyeni linapu vwato vwakama vuje mikole yavwo inazeye, co nanga ije ikavwendesa na lihunzi kuyasa kushangumuka ngeci vwato vwende. Litangwa limo nameme yeni vilema mukambata vyuma vyakupukula ku vitozi veni.

Isaya 35:1

Mambo na lifuti lyakuma vikajolela, na vishani vikashamwina mu mambo.

Isaya 42:11

Mambo na membo amwo vashangazale Njambi, vanu va ku Kendale vamushangazale! Vaje vakala mu nganda ya Sela vatambeke nakujolela akamwa ya minkinda!

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 48:21

Omo Shukulu Kalunga watwamenenene vanu vendi mu mambo mwakushaluka mwakuma cau, kuvakele na lihwila. Ikeye wavatuwisilile mema mu limanya. Watavwile limanya mukati, co mema atuukile.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Kulava 20:11

Co Mosesa wajundwile uje mulamu nakupupa aje a limanya visimbu vivali, co kwatuukile muta wa mema, co vanu voshe, na vimuna vavo vanwile.

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mateo 12:22

Asinoni vamunenelele munalume umo wa kapuputwa na vuveveve omwo wakele na munzinzime wakujwa. Yesu wamukangwisile, ngecivene, uje munalume wasele kumona nakwendeka.

Mateo 21:14

Co tupuputwa na vilema vezile kuli Yesu mu Njuvo ya Shukulu Kalunga, co wavakangwisile.

Luka 1:64

A simbu ije vene Zakaliya wasele kwendeka lalo, co washangumukile kushangazala Njambi.

Luka 11:14

Yesu wakele nakutundisa munzinzime wakujwala mu munu uje kasele kwendeka, omo uje munzinzime wakujwala watundile, co uje munalume washangumukile kwendeka. Co mbunga valikomokelele,

Vilinga vya Miluwa 3:2

Co kuje ku cikolo civatumbwile ngwavo Cikolo Cacivwa ca Njuvo ya Shukulu Kalunga, kwakele munalume umo wapwile cilema tunde kukusemuka kwendi. Vakele nakumutwala-twala ku cikolo a litangwa na litangwa ngeci alombe vwana kuli vanu vaje vakovelele mu Njuvo ya Shukulu Kalunga.

Vilinga vya Miluwa 8:7

Omwo minzinzime yakujwala yatundile muli vanu vavangi yatambekele na lijwi lyakama, vavangi vaka-tulepa na vilema vakangukile.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.