Isaya 35:5 - Livulu lya Shukulu Kalunga

⁵ Asinoni tupuputwa vakamona, na tusinda-matwi vakaziva.

Isaya 35:5 Iomraidhean Croise

Yombi 33:16

Ikeye akalingisa vanu kutolilila ku vije endeka, co vakevo valijajela a vinangula vyendi.

Myaso 146:8

co atonesa mesho a tupuputwa. Ikeye aana nzili kuli voshe vaje vanazeye nakuzema vaka-vushunga.

Kutuuka 4:11

Co Shukulu Kalunga wendekele kuli ikeye ngwendi, “Iyajo watangele kanwa ka munu? Iyajo wamupwisa kasinda-matwi nameme kaveveve? Iyajo akamumwesa nameme kumupwisa kapuputwa? Kuma kesi yange Kalunga njikalingimo ndi?

Visimo 20:12

Mesho akumwesa na matwi akutolililisa, vinapu vwana vwakutunda kuli Shukulu Kalunga.

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 42:18

Shukulu Kalunga alinakwendeka ngwendi, “Tolilileni, yeni vanu vakusinda matwi! Kengeseseni mwamuvwa, yeni tupuputwa!

Isaya 43:8

Njambi alinakwendeka ngwendi, “Neneni vanu vange amolika. Vali na mesho, oloni vanapu tupuputwa, vali na matwi, oloni vanapu tusinda-matwi!

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 50:5

Shukulu Kalunga nashokolola matwi ange ngeci njizive, co kunjamutengulukilile nambe kutunda kuli ikeye.

Njelemiya 6:10

Njakumbulwile ngwange, “Iyajo akanjitolilila nga njendeka kuli vakevo nakuvanangula? Vakevo vapwa vakukaluwa vimbunge nakuvyana kutolilila ku lijwi lyove, vakajolo vije viwukendeka kuli yange.

Mateo 12:22

Asinoni vamunenelele munalume umo wa kapuputwa na vuveveve omwo wakele na munzinzime wakujwa. Yesu wamukangwisile, ngecivene, uje munalume wasele kumona nakwendeka.

Mateo 21:14

Co tupuputwa na vilema vezile kuli Yesu mu Njuvo ya Shukulu Kalunga, co wavakangwisile.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 11:37

Oloni vamo vavo vendekele ngwavo, “Ou kesi ikeye uje watonesele mesho a uje kapuputwa indi? Kuma kapandele kwamena Lazalu ngeci kesi atse ndi?”

Yowano 9:39

Yesu wendekele ngwendi, “Omwo njinaija ano a kaye mukusompa, ngecivene, tupuputwa vase kumona, co vaje valinakumona vapwe tupuputwa.”

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”