Isaya 35:2 - Livulu lya Shukulu Kalunga

² Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 35:2 Iomraidhean Croise

1 Mizimbu 16:33

Co miti ya mu shwata itambeke nakujolela ku mesho a Shukulu Kalunga, omwo aija nakusompa vanu voshe vali ano asi.

1 Mizimbu 27:29

Shiletai wa ku Shalone ikeye wakele nakukenga a vingombe vakele mu cana ca Shalone. Shafate muna Andelai ikeye wakele nakukenga a vingombe vakele mu vyana.

1 Mizimbu 5:16

Co vakevo vakele mu mutambela wa Mbashane na Ngilyande, mu vindandanga vije vyakele kuje na mu mitambela mwoshe muje mwakulila vimuna va mu Shalone.

Myaso 50:2

Njambi alinakutwila ceke cendi mu Siyone, nganda ije yaivwa manene.

Myaso 72:16

Tiliku ipwe yaingi mu lifuti, akamwa ya malundu ashule na vimbuto, vipwe vyavingi ngwe vimbuto vya ku Lembanone. Vinganda vishule na vanu, ngwe mwila wa mu mahya.

Myaso 72:19

Shangazaleni lizina lyendi lya vumpau ku myaka yoshe! Kaye koshe kashule na vumpau vwendi! Ewa! Ewa!

Myaso 89:12

Yove watangele kunto na mbwela, Munkinda wa Tambole, na Munkinda wa Helemone ilinakwimba kuli yove nakujolela.

Myaso 97:6

Melu asholola vushunga vwa Shukulu Kalunga, co vanu voshe vamona vumpau vwendi.

Kutuuka 16:7

Ku mutondo mukamona vumpau vwakuvyazima vwa ku mesho a Shukulu Kalunga. Ikeye nazivi kutatoka kweni kumulinakumutatwesa. Omwo vikajo mulinyengela kuli yetu! Yetu veyajo? Yetu tunapu vaka-kunyunga kushika kwendi lika.”

Myaso ya Solomoni 2:1

Yange njinapu shani ya mu lifuti lya Shalone, njinapu lin̄anda lya mu cimbongo ca minkinda.

Myaso ya Solomoni 7:5

Mutwe wove wemana lwii ngwe Munkinda wa Kalemele. Vin̄ambu vyove vyakuvinda vinapu vyavivwa ngwe nanga yakuvenguluka, vuvwa vwayo vupwisa mwene cinzinda.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 33:9

Lifuti lyasala ngoco mupulungwa. Shwata ya Lembanone yajujwama, na Cana ca Shalone ca vwilo cinalifu ngwe mambo, shwata ya Mbashane na Munkinda wa Kalemele maputa alinakutotomoka ku miti.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 41:19

Njikamenesa miti ya kendale mu mambo, na miti ya mingongo, na miti ya muleta, na miti ya olive, na miti ya tulipi, na miti ya njunipa, na miti ya sipelese.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 60:13

“Viti vya tulipi, na njunipa, na sipelese, viti vyavivwa vya mu shwata ya Lembanone, vakavinena mukukutungulula yove Yelusalema, mukuvwaesa vuvwa Njuvo yange, nakulingisa vumpau nganda yange.

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Isaya 66:10

Yeni voshe mwazema nganda eyi, joleleni na Yelusalema, nakuvwaelela nayo! Yeni voshe mwakele nakuyililila, ololo joleleni amo nayo!

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Hambakuke 2:14

Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.

Zakaliya 10:7

Vanu va mu Isalele vakapwa vaka-nzili ngwe mashwalale, vakavwaelela ngwe vanu vananu vinyu. Vatekulwila vavo vakanuka kuhyana oku, co vakavwaelela omwo a vije vyanalingi Shukulu Kalunga.

Yowano 12:41

Isaya wendekele vyuma evi omwo wamwene vumpau vwa Yesu nakumwambulula.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Vilinga vya Miluwa 9:35

Co vanu voshe vakele mu Linda na mu Shalone vamumwene, vakulaelele kuli Mwene.

Loma 10:15

Co vatijo vambulula lijwi nga tunganda kuvavatumine? Ngwe muvyendeka visoneka ngwavyo, “Kunapu kuvwaelela kwakukomokesa omo tunganda vaija nakunena vin̄anda vyavivwa!”

Loma 15:10

Co lalo visoneka vyendeka ngwavyo, “Yeni voshe kesi vaYunda, joleleni amo na vanu va Njambi!”

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Yoshwa 19:26

na Alame Meleke, na Amande, na Mishale. Co mu kangombe ka yambi nginga yetele ku Kalemele, na ku Shihole Limbenate.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.