Isaya 35:10 - Livulu lya Shukulu Kalunga

¹⁰ Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 35:10 Iomraidhean Croise

Myaso 107:2

Vanu voshe vaje vanamena Shukulu Kalunga ku tuyando vamushangazale,

Myaso 126:2

Twajolelele manene, co twembile myaso yakuvwaelela! Asinoni miyati yeka vendekele kuli yetu ngwavo, “Shukulu Kalunga nalingi vyuma vyakukomokesa kuli vanu vendi.”

Myaso 126:5

Vaje valilile omo vaile nakukuna vimbuto vyavo, vavwaelele a kuteja vimbuto vyavo!

Myaso 14:7

Kwamena kwa Isalele kwije kutunda ku Siyone! Omo Shukulu Kalunga akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 51:8

Njizivise muyoyo wakuvwaelela nakujolela, nameme unanjitsene nakunjipokozola, oloni njikavwaelela lalo.

Myaso 84:7

Omo vakele nakuya vavawezelelele nzili, co munu na munu walisholwele kuli Njambi wa Siyone!

Isaya 1:27

Omwo Shukulu Kalunga wapwa wa vushunga, akamena Yelusalema na vanu voshe vaje valimo vaje vatenguluka.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 60:20

Matangwa akuviilila kwove akahwa. Yange Kalunga, njikapwa ceke cove ku myaka yoshe ceke cije kucesi kuhwa catuvakana ceke ca litangwa na ngonde.

Isaya 61:7

Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Isaya 65:18

Vwaeleleni nakujolela myaka yoshe mu vyuma vyaviha vinjinatanga. Yelusalema yaiha injitanga mukakala kujolela, co vanu vamwo vakavwaelela.

Isaya 65:19

Nange vavenya njikajolela na Yelusalema na vanu vamwo voshe. Kumukakala kulila, nambe vusiwa.

Isaya 9:3

Yove Shukulu Kalunga unatumisa muyati wavo, vanavwaelela ku mesho ove ngwe muvakavwaelela vaka-kupanga omo vateja vimbuto, nambe ngwe muvakavwaelela mashwalale omo valipangela vufuko vwakupukula.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Yowano 16:22

Ngecivene, omu mukemwo mucinapu neni, ololo muli na vusiwa, oloni njikamimona lalo, co vimbunge vyeni vikashula nakujolela, kujolela kuje naumo wai akacitundisa muli yeni.

1 Timateo 2:6

uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke,

Yunda 1:21

kaleni mu cizemo ca Njambi, omo muvandamena kwija kwa Mwene yetu Yesu Kilistu a mema ku mbunge endi mukumyana mwonyo wa myaka yoshe.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”