Isaya 34:7 - Livulu lya Shukulu Kalunga

⁷ Vanu vakawa ngwe vampakasha na vana va vingombe, co asi akavenga na maninga nakushula na mazi.

Isaya 34:7 Iomraidhean Croise

Myaso 22:21

Njamene ku vitozi vange ava, omo kunjesi na nzili yakulwa navo.

Myaso 68:30

Vindika Ingito, cikashama uje wa mu mahongo, vindika miyati ya vanu ije vantwama vavo vanapu ngwe vingombe va nkomba va vukalu, voshe vatsikame nakukwana siliva yavo. Shandola vanu vaje vazema nzita!

Myaso 92:10

Unanjipwisa muka-nzili ngwe mpakasha, unanjivwavesa na mazi amavwa.

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Njelemiya 25:34

Lileni, yeni vantwama, yeni tunyungi va vanu vange, lileni manene! Lileni nakulikotinga mu livu. Omwo simbu yeni inete yakumitsiya, co vakamitsiya ngwe majamba a vimanga.

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Ezekiyele 32:6

Njiketila maninga ove mu lifuti, noo anafwiki a minkinda nakushulisa vana va vindonga.

Ezekiyele 39:17

Shukulu Kalunga wa Akamwa ya Vyoshe wendekele kuli yange ngwendi, “Muna munu, sana tuzila voshe na tusitu voshe va mu shwata vakutunda ku mitambela yoshe vakunguluke nakulya n̄ombelo eyi injavavwaesela. Cikapwa ciwano cakama a minkinda ya Isalele, ngeci vakalye situ nakunwa maninga.

Ezekiyele 39:18

Vakalya situ ya mashwalale nakunwa maninga a vaka-kushwana va ano asi, voshe vakavatsiya ngwe majamba a vimanga, nambe ngwe vana va vimanga, nambe ngwe vimembe, nambe ngwe vingombe vakununa.

Kulava 23:22

Njambi ikeye wavatundisile mu Ingito, ali na nzili ngwe mpakasha.

Kulava 24:8

Njambi wavatundisile mu Ingito, ikeye akavalwila ngwe mpakasha. Ikeye akazilisa vitozi vavo, nakupokozola vitsiya vyavo, nakuvapokozola mikili yavo.

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”