Isaya 34:6 - Livulu lya Shukulu Kalunga

⁶ Mukwale wendi ukashula na maninga na mazi avo, ngwe maninga na mazi a vana va vimanga na vimembe vakukombelela. Shukulu Kalunga akatsiya vanu vavangi nakuvapwisa n̄ombelo mu nganda ya Mbozile, na mu mitambela yeka ya mu lifuti lya Endome.

Isaya 34:6 Iomraidhean Croise

2 Samwele 1:22

Vuta vwa lusipa vwa Yonatana vwapwile vwavukalu, mukwale wa Saulu kuwatetelele, wakele nakuwisa vaka-nzili, nakutsiya vitozi.

1 Mizimbu 1:44

Omo Mbela watsile, co Yohambe muna Zela wa ku lifuti lya vaTemane wamushwanene kupwa mwene.

Myaso 137:7

Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Isaya 63:3

Shukulu Kalunga alinakukumbulula ngwendi, “Njinalyatangela miyati ya vanu ngwe mikolovozi ya vushuka vwa vinyu, co naumo wai wezile mukunjikwasa. Njavalyatangelele na vukalu vwange, co maninga avo anatasanga a vuzalo vwange vwoshe.

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 25:34

Lileni, yeni vantwama, yeni tunyungi va vanu vange, lileni manene! Lileni nakulikotinga mu livu. Omwo simbu yeni inete yakumitsiya, co vakamitsiya ngwe majamba a vimanga.

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 49:13

Yange njinalisingi ngwange nganda ya Mbozile ikemuka cimweso ca vunyengwe, nakupwa mambo, co vanu vakalishendumuna na kupwisa lizina lya nganda cisingo. Co mambweli oshe akapwa vingundu ku myaka yoshe. Yange Kalunga, njinendekamo.”

Njelemiya 49:7

Evi vikevyo vyendekele Shukulu Kalunga Muka-nzili yoshe ali Endome ngwendi, “Kuma vaka-Endome vanazimbalesa kusompa kwavo kwakuvwa ndi? Kuma vaka-kuvanangula vavo kuvasa kuvaleka vije vivanapande kulinga ndi? Kuma mana avo oshe anahu ndi?

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Njelemiya 51:40

Njikavatwala mukuvatsiya, ngwe vana va vimanga, na vimembe, na majamba. Yange Kalunga, njinendekamo.”

Ezekiyele 21:10

Vanawotola ngeci utsiye vanu, co vanaukalula ngeci uvyakule ngwe muhyato. Kukwesi kujolela, omwo vanu vange vanapokola kunangula kwoshe nakunyanyamesa kwoshe.

Ezekiyele 35:15

ngwe muje yove wajolelele akuviya kwa Isalele vufuko vwange. Minkinda ya Seya, eyo lifuti lyoshe lya Endome, likapwa ngundu. Asinoni vanu voshe vakazivuka ngeci yange njapwa Kalunga.”

Ezekiyele 35:8

Minkinda njikaifwika na vivimbi, co vivimbi vya vaje vavanatsiila mu nzita vakavifwika a malundu na mu vimbongo.

Amose 1:11

Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

Kwituluka mu Mashiko 32:41

ngeci njikotola mukwale wange wakuvyazima, njikamona ngeci vushunga vunalingiwa. Njikalinga shambandinga kuli vitozi vange, nakuhisa vaje vanjizinda.