Isaya 34:5 - Livulu lya Shukulu Kalunga

⁵ Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Isaya 34:5 Iomraidhean Croise

Myaso 137:7

Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

Myaso 17:13

Ija, yove Shukulu Kalunga, popolola vitozi vange nakuvafungulula! Njamene kuli vaka-vuvi na moko yove ya mukwale.

Isaya 21:11

Awa akewo majwi aa Endome. Kuli munu umo alinakutambeka kuli yange mu Endome ngwendi, “Muka-kunyunga, simbu mukajo kukya? Njileke nga kukya vwasi.”

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Isaya 43:28

co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Ezekiyele 32:29

“Endome kwali kuje amo na vimyene vendi na vaka-kushwana vendi. Vakevo vapwile mashwalale va nzili manene, oloni ololo vanalala mu lifuti lya vatsi amo na vaje vaka-kujeneka kukulaela vaje vavatsiilile mu nzita.

Ezekiyele 35:1

Shukulu Kalunga wendekele kuli yange ngwendi,

Ezekiyele 35:15

ngwe muje yove wajolelele akuviya kwa Isalele vufuko vwange. Minkinda ya Seya, eyo lifuti lyoshe lya Endome, likapwa ngundu. Asinoni vanu voshe vakazivuka ngeci yange njapwa Kalunga.”

Ezekiyele 35:8

Minkinda njikaifwika na vivimbi, co vivimbi vya vaje vavanatsiila mu nzita vakavifwika a malundu na mu vimbongo.

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Zefaniya 2:12

Co Shukulu Kalunga lalo akatsiya vaka-Sundane.

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

1 Kolinte 16:22

Woshe kazeme Mwene, cisingo cikale ali ikeye! Ija, Mwene yetu!

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!

Kujombolola 1:16

Ikeye wakwatele vingongonosi vitanu na vivali mu livoko lyendi lya cilyo, co mu kanwa kendi mwatuukile moko ya mukwale ya vuvela kuvali. Cihanga cendi cavyazimine ngwe misha ya litangwa lya akati ka mutwe.