Isaya 34:16 - Livulu lya Shukulu Kalunga

¹⁶ Shakezekeni mu livulu lya Shukulu Kalunga lya vikashama vakuyoya mulave vije vilyendeka. Nacimo cai cuma cakutanga cikajenekamo, co cuma cakutanga nacimo cai cikajeneka kukala na cikwavo. Shukulu Kalunga ikeye nashiki ngeci vifwemo, ikeye vavenya akavikungulwila amo.

Isaya 34:16 Iomraidhean Croise

Kushangumuka 6:17

Kenga, njikatuma livazi lyakama ano asi mukunyongesa vyoshe vije viyoyao. Vyuma vyoshe vili ano asi vikatsa,

Myaso 33:6

Akushika kwendi Shukulu Kalunga watangele lilu, co na lijwi lyendi kwasholokele litangwa, na ngonde, na vingongonosi.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Visimo 23:12

Aka mbunge yove ku vilongesa, na matwi ove ku majwi a mana.

Isaya 1:20

Oloni nga munjivyana nakunjikengesa nima, co vitozi vakaminyongesa. Yange Kalunga, njinendekamo.”

Isaya 14:31

Lileni nakukangoka mu vinganda vyeni ngeci vamikwase, yeni vaFilisitiya. Lijajeleni nakulikomokela, muvavoshe! Lishelwa lyakukakumuka ngwe vwisi lilinakwija kutunda ku kunto, mbunga ya mashwalale vakujeneka lyova.

Isaya 21:17

Vanalume vaka-mata a lusipa va mu Kendale vakasalao lika vavandondo. Yange Kalunga Njambi ya Isalele, njinendekamo.”

Isaya 30:8

Njambi wanjilekele kusoneka mu livulu majwi endi kuli vanu, ngeci kukakale visoneka vya ku myaka yoshe vya a vuvi vwavo.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 58:14

co mukawana kujolela mukunjipangela yange. Vakamisingimika mu kaye mwoshe, co mukajolela mu lifuti lije linjanene kuli kukulwila yeni Yakomba. Yange Kalunga, Njinendekamo.”

Ndanyele 10:21

Co munima yevi, kangelo muka-kunyunga wa ku Ngelese akasholoka. Co kukwesi weka akanjikwasa wai kuvanga Mingeli,

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Luka 21:33

Lilu na asi vikaita, oloni majwi ange kuwakaiti.

Yowano 10:35

Tunazivuka ngeci visoneka vinendeka vushunga ku myaka yoshe, co Njambi watumbwile vaje vanu vinjambi, vanu vaje vaanene majwi endi.

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Kwituluka mu Mashiko 31:21

Co tuyando twatungi twakukomokesa tukakala ali vakevo, oloni mwaso ou uvakaimba ukapwa vukaleo vwange kuli vakevo, omwo mwaso ou ukakala mu vimbunge vya vatekulwila vavo. Nameme kanda njivatwale mu lifuti lije njalisingile kuvanalyo, njazivuka vivalinakuyongola.”

Yoshwa 1:8

Livulu eli lya Mashiko lilave kutambekela simbu yoshe omo mukunguluka. Co lilongeselyo mutanya na vutsiki, ngeci wononoke vyuma vyoshe vije vivasonekamo. Co ukavezika nakukala mwamuvwa mukuyoya kwove.

2 Petulu 1:19

Ngecivene, twasimpile na muzimbu uje watundile mwilu uje uvambulwile vaka-kwimanena. Nga mutolilila ku muzimbu ou, co mulinga mwamuvwa, omwo unapu ngwe ndeya ilinakutwila ceke mu lisusulungu noo Litangwa linaki na ceke ca litota lya mutondo linatwila ceke mu vimbunge vyeni.