Isaya 33:8 - Livulu lya Shukulu Kalunga

⁸ Vitapalo vyakama ololo vili na vushonde, co naumo wai alinakwendelamo. Lizivasano na cikumiiyo vinahu. Kukwesi lalo kalemeso ku munu uje anyunga cikulaeso.

Isaya 33:8 Iomraidhean Croise

Myaso 10:5

Muka-vuvi avezika mu vyuma vyoshe vije vyalinakulinga. Kasa kuzivisisa kusompa kwa Njambi, co lalo apopolola vitozi vendi.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 36:1

Mu mwaka wamulikumi na iwana omo Mwene Hezekiya washwanene mu Yunda, Senakelivi, mwene wa mu Asilya, walwisile vinganda vyakele mu cimpaka ca Yunda, co wavifungulwile.

Mbimbi 1:4

Vitapalo vyakuya ku Siyone vilinakulila ngwe vanu, omwo naumo wai alinakwendamo mukuya ku Njuvo ya Shukulu Kalunga, mukulemesa a matangwa akujela. Vambanda vaje vakele nakwimbila kuje valinakuyanda, co vaka-kukombelela valinakukemanga lika. Vikolo vya mu nganda vili mupulungwa, co Siyone ili mu vukalu.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

Maako 19:17

Co uje mukulunu wandwile mesho endi, wamwene uje mungenzi mushandangala yangoco ya limbo, co wamwihwile ngwendi, “Utunda kuli? Co lalo ulinakuya kuli?”

Maako 5:6

Mu matangwa a Shamengale muna Anate, mu matangwa a Njaele, matanga kuwakele nakwita mukati ka lifuti, co vaka-kwenda vakele nakwitila kumukulo, mu tungila twakulizenga-zenga.

1 Samwele 17:10

Litangwa lya lelo njisana ku nzita mbunga ya mashwalale va vaIsalele. Anguleni munu umo akulwe nange!”

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”