Isaya 33:22 - Livulu lya Shukulu Kalunga

²² Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 33:22 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Nehemiya 10:14

Vantwama va vanu vapwile, Paloshe, na Pahate Mowavi, na Elame, na Zatu, na Mbani,

Myaso 44:4

Yove unapu u mwene yange na Njambi yange, yove ukahyanesa vanu vove.

Myaso 44:5

Mu nzili yove tukafungulwila asi vitozi vetu. Mu lizina lyove tukalyatangela vaka-kutulwisa.

Myaso 50:6

Melu asholola vushunga vwa Njambi, omwo Njambi vavenya wapwa lyaako!

Myaso 74:12

Oloni yove Njambi, tunde ku san̄ulu unapu u mwene yetu, unatwamena visimbu vyavingi.

Myaso 75:7

Njambi lika ikeye lyaako, ahisa munu umo nakusambesa mukwavo.

Myaso 89:18

Yove Shukulu Kalunga mwene yetu, u muka-kutunyunga, yove Njambi Wakujela wa Isalele, wapwa u ntelo yetu.

Myaso 98:9

omwo akaija nakusompa vanu voshe vali ano asi. Shukulu Kalunga akashwana vanu voshe vali ano asi mu vushunga.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 16:5

Asinoni umo wa ku vatekulwila va Ndaviti akapwa mwene, akashwana vanu na kulongwa na cizemo. Co ikeye akalinga vyuma vije vya vushunga, akamona ngeci vushunga vulinakulingiwa vwasi-vwasi).

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 33:17

Mesho eni akamona vumpau vwa mwene, akamona lifuti mukujanjavala kwalyo kwoshe.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 41:21

Shukulu Kalunga, mwene wa Isalele, alinakwendeka ngwendi, “Yeni vinjambi va vaka-mafuti, ambululeni vin̄anda vyeni. Shololeni vukaleo vwavuvwa vumulinavwo!

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 51:4

“Vanu vange tolilileni kuli yange, tolilileni ku vije njendeka. Njana vilongesa vyange ku miyati ya vanu, mashiko ange akavatwila ceke.

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Kwituluka mu Mashiko 33:2

Wendekele ngwendi, “Shukulu Kalunga watundile a Munkinda wa Sinai, watuukile na vumpau vwendi, ngwe litangwa akamwa ya Endome, watwililile ceke ali vanu vendi oku ali a Munkinda wa Palane. Co wakele amo na tungelo 1,000, tuhya twashukumine mu livoko lyendi lya cilyo.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

Yakomba 4:12

Njambi ikeye lika muka-kwana lishiko na lyaako. Ikeye lika muka-kwamena na muka-kunyongesa. Yove iyajo ngeci usompe mukweni?

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

1 Samwele 12:12

Oloni omo mwamwene Mwene Nahashe wa vaAmoni ali muyehi nakumilwisa, co mwavyanene Shukulu Kalunga kupwa mwene yeni, mwendekele kuli yange ngweni, ‘Tushaka mwene atushwane.’