Isaya 33:20 - Livulu lya Shukulu Kalunga

²⁰ Kengeni Siyone, nganda ije mutukalingila viwano vyetu vya vuNjambi. Kengeni Yelusalema! Ukapwa mutambela wauvwa kuli vaje vakakalamo! Ukapwa ngwe mbalaka ije kuvesi kushwenyesa na vipampalingo vyayo kuvyesi kushimbuka, na mukole wayo kuwesi kushutuka.

Isaya 33:20 Iomraidhean Croise

Myaso 128:5

Shukulu Kalunga akuvezikise ku Siyone! Umone Yelusalema omo ivezika, a matangwa oshe akuyoya kwove!

Myaso 46:5

Njambi ikeye wakala muje mu nganda, co naumo wai akainyongesa, oloni akaikwasa a mungulungengu.

Myaso 46:6

Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

Isaya 32:18

Vanu va Njambi kuvakalishoshomwena, co membo avo akakala mwamuvwa na kwoloka,

Isaya 33:6

co akakolesa miyati ya vanu. Simbu yoshe akanyunga vanu vendi nakuvana mana nakuzivisisa. Vufuko vwavo vwakama manene vukapwa kasingimiko kuli Shukulu Kalunga.

Isaya 37:33

“Omu mukemwo mwanendeka Shukulu Kalunga ali mwene wa vaAsilya ngwendi, ‘Kakakovela mu nganda eyi, nambe kwashamo mukili umo embwe. Kukwesi mashwalale vali na vintelo vakaija kuyehi na nganda eyi, nambe kuzengeleka cimpaka.

Isaya 4:5

Asinoni Shukulu Kalunga akatuma lishelwa akamwa ya Munkinda wa Siyone na a voshe vaje vakakungulukilao, a simbu ya mutanya, na vwisi, na mulangi wa tuhya a simbu ya vutsiki. Co vumpau vwa Njambi vukafwika nakunyunga nganda yoshe.

Isaya 54:2

Amesa mbalaka muulinakukala! Nungila ku mikole, co kolesa ku vipampalingo!

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Ezekiyele 48:8

Mutambela wa lifuti umo vanapande kuwaka kumukulo. Upwe makilomita likumi na avali na litambelo mu vwihi kutunda ku kunto nakweta mu mbwela, co vulaja vukapwe mumo kutunda mu ngangela nakweta mu kangombe ka yambi, kupwa mutambela wakwana ku miyati. Co Njuvo ya Shukulu Kalunga ikakale mu mutambela ou.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Kwituluka mu Mashiko 12:5

Oloni mukashakezeka mwela uje wakaangula Shukulu Kalunga Njambi yeni akati ka miyati yeni, kuje vanu vakaija ku mesho endi nakumulemesa.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.