Isaya 33:14 - Livulu lya Shukulu Kalunga

¹⁴ Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 33:14 Iomraidhean Croise

Yombi 18:11

“Vyakujujwisa vikamuzengeleka nakumuzivisa lyova, co vikamukava mu manambo endi oshe.

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Myaso 21:9

Omo akasholoka akavanyongesa ngwe mulukanyongesa lutengo lwa tuhya. Shukulu Kalunga akavanyongesa mu vukalu vwendi, co tuhya tukavanyongesa njwa.

Myaso 50:3

Njambi yetu aija, oloni kaija noloka kuluu embwe, tuhya twakunyongesa tuli kulutwe lwendi, na lihunzi lyakama linamuzengeleka.

Myaso 53:5

Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 32:11

Munakele nakuyoya mwamuvwa kujeneka kulishoshomwena, oloni ololo, jajeni na lyova! Shululeni vuzalo vweni, co zaleni vikeleya.

Isaya 34:9

Vindonga vya Endome vikemuka lipombosiwa, co livu likemuka lilungu. Co lifuti lyoshe likenya ngwe lipombosiwa.

Isaya 47:14

“Vanu vaje vakulaela mu vingongonosi vanapu vangoco ngwe mwila, uje wenya mu milangi ya tuhya. Aje naumo wai asa kwikao vilya.

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Isaya 9:18

Vuvi vwa vanu vushukuma ngwe tuhya twenyeka mambimbo na mishwena. Vushukuma ngwe likuna lya mu shwata lije lilinakwezoka milangi ya tuhya.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Amose 9:10

Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Mateo 18:8

“Co nga livoko lyove nameme lindi lyove likutanukisa ngeci uzimbalese kukulaela kwove, livatuleko ulyumbile kuti! Mwavuvwa kuli yove kukovela mu mwonyo wa myaka yoshe na livoko limo nameme lindi limo kutuvakana kukala navyo vyoshe ngeci vakumbile mu tuhya twa myaka yoshe tuje kutwesi kuzima.

Mateo 22:12

Co mwene wamwihwile ngwendi, ‘Musamba, vatijo unakovelele muno kujeneka vuzalo vwa ciwano ca vulo?’ Oloni uje munu wolokele kuluu nacimo cai cendekele.

Mateo 24:51

Co shukulu yendi akamumbila anja, co akaya ku cihiso amo na vaka-civembulu. Kuje akalila nakulingenjenga ku mayo.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

VaHevelu 12:29

omwo Njambi yetu mwa vushunga wapwa tuhya twakunyongesa.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.