Isaya 32:6 - Livulu lya Shukulu Kalunga

⁶ Cilema akendeka vya vulema lika, nakuyongola kulinga vyuma vyavivi. Vije vyakalingi na vije endeka vinapu vyakushaula Shukulu Kalunga, co kesi kulisa muka-njala nambe kwana mema kuli vaje vali na lihwila.

Isaya 32:6 Iomraidhean Croise

Myaso 141:4

Njinyunge kutewa njilinga vyuma vya kupenga-penga, nambe kulipandakana na vaka-vuvi mu vilinga vyavo vyavivi. Kesi njilipandakane navo mu viwano vyavo.

Visimo 19:3

Vanu vamo vakaliviisa vakevo vavenya na vilinga vyavo vya vulema, co kutundao valuvalela Shukulu Kalunga.

Visimo 24:7

Visimo vya mana, vyapwa vyakulova manene kuli cilema kuvizivisisa. Ikeye kesi kwendeka omo vasimutwiya vin̄anda vyakama.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Isaya 3:15

Kumwesi na moko yakuyandesa vanu vange nakwambata vya tuutu. Yange Kalunga wa Akamwa ya Vyoshe Muka-nzili yoshe njinendekamo.”

Isaya 31:2

Shukulu Kalunga azivuka vije vyalinakulinga! Atuma tuyando. Ikeye akahisa vaka-vuvi na vaka-kuvanyunga.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 13:23

Munu asa kutengulula cikonde cendi, nambe ingwe kutengulula mavala endi ndi? Nga ngoconi, amo mwasa kutenguluka, nakulilongesa kulinga vyuma vyavivwa.

Ezekiyele 34:18

Vamo veni kuvapwisilemo kulya mwila wauvwa, mulinakulyatangela mwila uje kumushaka kulya! Munwa mema amavwa, co muvundula aje kumushaka kunwa!

Ndanyele 12:10

Vanu vavangi vakavajelesa. Oloni vaje vaka-kupenga-penga kuvakazivisisa vyuma evi, anga vakalinga vene vuvi, kuvanga lika vaje vali na mana vakevo vakazivisisa.

Amose 8:6

Tukalandesa ndando yakama tiliku ije kuyesi na seo. Co tukawana kautu umo uje kasa kufweta likongo lyendi, nameme kufweta ndando ya vin̄aku, co tukamulanda akapwe ndungo.”

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

1 Samwele 24:13

Uzivuka visimutwiya vya va san̄ulu ngwavo, ‘Vuvi vakavulingi lika vanu vaje vaka-vuvi.’ Ngecivene, yange kunjikakuvulumuna embwe.