Isaya 32:3 - Livulu lya Shukulu Kalunga

³ Asinoni mesho a vaje vamona kuwakatsitsivala, na matwi a vaje vaziva akatolilila.

Isaya 32:3 Iomraidhean Croise

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 54:13

“Yange vene njikalongesa vanu vove, nakuvavezikisa na kwoloka.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mako 7:37

Co voshe vaje vavizivile valikomokelele ngwavo, “Alinakulinga vyoshe mwamuvwa! Nameme tusinda-matwi vaziva na tuveveve vendeka!”

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.