Isaya 32:15 - Livulu lya Shukulu Kalunga

¹⁵ Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 32:15 Iomraidhean Croise

Myaso 104:30

Omo uvelwisila mwonyo, co vayoya, waana mwonyo wauha ano asi.

Myaso 107:33

Shukulu Kalunga womisile vindonga, womisile masima a tuvwelu-vwelu.

Myaso 107:35

Watengulwile mambo kupwa vingunja vya mema, na livu lyakuma kupwa masima a tuvwelu-vwelu.

Visimo 1:23

Tolilileni omo njimyendekela, njimyana kunangula kwakuvwa.

Isaya 28:6

Akana mana a vushunga kuli maako, nakumona ngeci vanu vendi vasa kwamena vinganda vyavo ku vitozi.

Isaya 29:17

Mu kasimbu kakandondo lika, shwata yakuzika ikapwa lihya lya vushuka, co lihya lya vushuka likapwa shwata.

Isaya 35:7

lishen̄avu lyakwenya likemuka lishali, co lifuti lyakuma likashula na masima a tuvwelu-vwelu. Muje mwakele vimbanje, mukamena mateve na mahongo.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 45:8

Njikatuma vushunga kutunda mwilu ngwe nyonzi, kaye kakalivwaesela kuvutambula, co vushunga vukamena asi. Yange Kalunga, njinatanga vyuma evi.”

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 63:11

Oloni vanu vendi vanukile vyuma vyakulaja, a matangwa a Mosesa, ngamba ya Shukulu Kalunga, co vehwile ngwavo, “Shukulu Kalunga ali kulijo ololo, uje waamenene vantwama va vanu vendi ku mema a kalunga? Shukulu Kalunga ali kulijo, uje waanene Munzinzime wendi kuli Mosesa?

Ezekiyele 37:14

Yange njikaka muku wange muli vakevo, co vakayoya nakukala mu lifuti lyavo vene. Asinoni vakazivuka ngeci yange njapwa Kalunga. Yange njakulaesa ngwange njikalinga vyuma evi, co njikalingamo vene. Munjinendeka yange Kalunga.”

Ezekiyele 39:29

Njikamwanyena munzinzime wange ali vanu va Isalele, co kuukatundu lalo ali vakevo. Munjinendeka yange Kalunga wa Akamwa ya Vyoshe.”

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Luka 24:49

Yange njikatuma kuli yeni vije vyanjikulaese Tate. Oloni munapande kuvandamena mu nganda noo nzili yakutunda kwilu inaija ali yeni.”

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

Vilinga vya Miluwa 2:33

Ikeye namusangwila ku livoko lya cilyo lya Njambi, Ishe, co natambula Munzinzime Wakujela kuli ikeye, ngwe muje mwakulaesele. Vije mulinakumona ololo nakuziva vinapu vwana vwendi vuje netila ali yetu.

2 Kolinte 3:8

kuma vumpau vwa Munzinzime kuvwapwile vwakama manene ndi?