Isaya 32:14 - Livulu lya Shukulu Kalunga

¹⁴ Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.

Isaya 32:14 Iomraidhean Croise

2 Vimyene 25:9

Wenyekele Njuvo ya Shukulu Kalunga na lipela na vinjuvo vyoshe vya vanu va vulemu va mu Yelusalema,

2 Mizimbu 33:14

Munima ya vyuma evi, Manase watungulwile civumbe ca anja ku mutambela wa mu ngangela mu Nganda ya Ndaviti, kushangumukila ku shongo ya cana kuyehi na muna ndonga Ngihone ku kunto ya Cikolo ca Visi na mu mutambela wa nganda ya Ofele. Co waakele lalo muka-kushika vimunga vya mashwalale mu vinganda vyoshe vya vimpaka vya mu Yunda.

Nehemiya 3:26

Evi vyakele kuyehi na mutambela wa nganda uje vatumbwile Ofele, kuje kuvakele vaka-kupanga ku Njuvo ya Shukulu Kalunga.

Myaso 104:11

Tusitu vawana mema mu vindonga, mema atsiya lihwila lya vingolo.

Isaya 22:2

Nganda yoshe ilinakutambeka, inashulu na muyoyo nakutangalala. Vanu vaje vanalala mu vitapalo omwo yakupenda kuvavatsiile mu nzita.

Isaya 24:10

Vyuma vyoshe mu nganda vili mu citanga, co vanu valinakulishokeyeya mu vinjuvo vyavo ngeci vakale mwamuvwa.

Isaya 24:12

Nganda inasala yamupulungwa, co vikolo vyayo vanavisiwula.

Isaya 25:2

Unatengulula vinganda vya vitozi vetu kupwa vingundu, nakunyongesa vimpaka vyavyo vyakukola. Mapela avatungile vitozi vetu oshe ananyongo.

Isaya 27:10

Nganda ya cimpaka ikasala mu ngundu. Ikasala ayo lika ngwe mu mambo mwakujeneka vyuma. Ikapwa vulilo vwa vingombe, muje muvakavutama nakulilamo.

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 5:9

Njazivi Shukulu Kalunga Muka-nzili yoshe endeka ngwendi, “Vinjuvo vyoshe vije vyakama vyavivwa vikapwa vyamupulungwa.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Isaya 7:23

“A litangwa lije, kwoshe kuje kwakele mikolovozi ya vushuka vwa vinyu yakupwa 1,000 ije yapandele kuyilanda na mavundungulu a siliva akupwa 1,000, ikapwa shwata muje mukamena mambimbo na mishwena.

Njelemiya 14:6

Vingolo vanemana akamwa ya malundu vaekela ngwe vimbanje, mesho avo anatsitsivala omwo mwila wai.

Njelemiya 33:4

Yange Kalunga, Njambi ya Isalele, njinendeka ngwange vinjuvo vya mu Yelusalema, na lipela lya mu Yunda vikasiwuka, omwo nzita ije inavazengeleka nakuvalwisa.

Njelemiya 52:27

mu lifuti lya Hamate. Co mwene wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala ku vunzinda.

Njelemiya 6:5

co tukailwisa vutsiki nakusiwula vimpaka vyayo.”

Hoziya 2:3

Nga shendi kulikela, co njikamushulula nakumupwisa wa mushelengwa ngwe muje mwafwile a litangwa lyendi lyakusemuka. Njikamupwisa ngwe lifuti lyakuminina cau lya vimena, co akatsa ku lihwila.

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.

Luka 21:20

“Omo mukamona Yelusalema vanaizengeleka ku mbunga ya mashwalale, zivukeni ngweni kunyonga kwayo kuli muyehi.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.