Isaya 31:9 - Livulu lya Shukulu Kalunga

⁹ Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

Isaya 31:9 Iomraidhean Croise

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 10:17

Njambi, ceke ca Isalele, akemuka tuhya. Njambi wakujela wa Isalele, akemuka mulangi wa tuhya, uje ukenyeka vyuma vyoshe a litangwa lyangongo, nameme mambimbo na mishwena.

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 13:2

Jundula pandelo ya nzita a lilundu lya miti! Tambekeni ku mashwalale, co vashovweyeni na livoko ngeci valwise vikolo vya nganda ya vanu va kulyalesa.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 27:7

Shukulu Kalunga kahisile manene Isalele ngwe muje mwahisile vitozi vavo, nambe kuvatsiya manene ngwe muje mwatsiile vitozi vavo embwe.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 37:37

Asinoni Senakelivi mwene wa va Asilya watundileko, welukile ku Nenevayi.

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Isaya 5:26

Shukulu Kalunga akalinga cizivukiso cakusana miyati yeka yakulyala. Navasana na mulozi, co kengeni, valinakwija lumbisi!

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

VaLevi 6:13

Co tuhya tunapande kushukuma simbu yoshe a mutula, kutwapandele kuzima.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kwituluka mu Mashiko 32:31

Vitozi vavo vazivukile ngeci vinjambi vavo vapwa vakuzeya, kuvesi na nzili ngwe Njambi ya Isalele.

Kwituluka mu Mashiko 32:37

Asinoni Shukulu Kalunga akehula vanu vendi ngwendi, ‘Vali kulijo vaje vinjambi va nzili vamwakulaelele?