Isaya 31:5 - Livulu lya Shukulu Kalunga

⁵ Yange Kalunga Muka-nzili yoshe njikaamena Yelusalema ngwe kazila ajangumuna mambava endi a lishwa mukunyunga vana vendi.”

Isaya 31:5 Iomraidhean Croise

Kushangumuka 1:2

Kaye kakele kangoco kamupulungwa. Lisusulungu lyafwikile vyuma vyoshe vyakele mu nzinga, oloni Munzinzime wa Njambi wakele nakutengenya akamwa ya mema.

2 Vimyene 19:34

Njikamena nganda eyi nakuyinyunga, omwo lizina lyange, na omwo cikulaeso njalingile kuli ngamba yange Ndaviti.’ ”

2 Mizimbu 32:22

Ngecivene, Shukulu Kalunga waamenene Mwene Hezekiya na vanu va Yelusalema ku livoko lya Senakelivi mwene wa vaAsilya, na ku vitozi vavo vakwavo lalo. Co vatumbamene mu kwoloka na vandambo vavo voshe vaje vavazengelekele.

Myaso 37:40

Shukulu Kalunga avakwasa nakuvamena, ikeye avamena ku vaka-vuvi, omwo vatewela kuli ikeye ngeci avanyunge.

Myaso 46:5

Njambi ikeye wakala muje mu nganda, co naumo wai akainyongesa, oloni akaikwasa a mungulungengu.

Myaso 46:6

Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Kutuuka 12:27

Co mukavakumbulula ngweni, ‘Eci cinemanena kukombelela cimuna wa Ciwano ca Pasovala mukusingimika Shukulu Kalunga, omwo ikeye wajombokele a vinjuvo vya vaIsalele mu Ingito. Watsiile vaka-Ingito, oloni yetu watusezeleo.’ ” Co vaIsalele vatsikamene a mavuli nakulemesa.

Kutuuka 19:4

“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya.

Isaya 10:14

Miyati ya mu kaye vafwile ngwe lishwa lya kazila, co njakungulwile vufuko vwavo mukwasiwa ngwe muvakakungulula mavunda. Kukwakele limbava lyendele nakunjizivisa lyova, kukwakele lalo kazila weshamesele kanwa kendi nakunjinyangumuna!”

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 27:3

“Njicinyunga nakutukumwinamo mema simbu yoshe. Njikacinyunga vutsiki na mutanya ngeci kesi vaciviise.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 37:35

Njikamena nganda eyi nakuyinyunga, omwo a lizina lyange, na omwo a cikulaeso njalingile kuli ngamba yange Ndaviti.’ ”

Isaya 38:6

Njikakwamena yove na nganda eyi ya Yelusalema kuli mwene wa Asilya, co yange njikanyunga nganda eyi simbu yoshe.”

Zakaliya 9:14

Shukulu Kalunga akashuluka akamwa ya vanu vendi ngwe lishelwa, akasha mikili yendi ngwe muhyato. Shukulu Kalunga wa Akamwa ya Vyoshe akaimba lupembo, akalwila mu lihunzi kutunda ku mbwela.

Zakaliya 9:8

Njikanyunga lifuti lyange, co njikavindika mashwalale kwitamo. Kunjikatavesa lalo vaka-muuka kuyandesa vanu vange, njamono muvanayandelamo vanu vange.”

Kwituluka mu Mashiko 32:11

Ngwe ngonga alongesa vana vendi kupulula, avatundisa mu lishwa, co avakavwila a mambava endi, ngeci kesi vawe, Shukulu Kalunga wanyungile Isalele ngeci kesi vawe.