Isaya 31:4 - Livulu lya Shukulu Kalunga

⁴ Shukulu Kalunga wendekele kuli yange ngwendi, “Njikana nakulwa ngwe ndumba wa vukalu uje kasa kutewa mitambi ya tunyungi vaje veseka kwamena vimanga vavo. Omu mukemwo yange Kalunga Muka-nzili yoshe njikashuluka nakulwa a Munkinda wa Siyone.

Isaya 31:4 Iomraidhean Croise

2 Mizimbu 20:15

Co Njazele wendekele ngwendi, “Yove shukulu Mwene Njosefati na vanu voshe va mu Yunda neni vanu va mu Yelusalema tolilileni, Shukulu Kalunga nendeka kuli yeni ngwendi kesi muzeye nambe kesi muzive lyova omo mbunga ya mashwalale eyi yakama embwe. Nzita eyi kesi yeni embwe, oloni inapu ya Njambi.

Kutuuka 14:14

Shukulu Kalunga ikeye akamilwilako, yeni nacimo cai cimukalinga.”

Kutuuka 14:25

Mavalo a makalu avo atomenene, ngeci vakevo vakele mu vukalu. Co vaka-Ingito vendekele ngwavo, “Tusezeni ava vanu Shukulu Kalunga alinakuvalwilako, co alinakulwisa yetu.”

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 30:32

Omo Shukulu Kalunga akavapupa lalo lalo, co vanu vendi vakatwalao kwimba vingoma na tulyalya. Njambi vavenya akalwisa vaAsilya.

Isaya 42:13

Shukulu Kalunga aya mukulwa, ngwe lishwalale wa vukalu alinakutambeka na nzili yendi yoshe, omo alinakulwisa vitozi vendi.

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Amose 3:8

Omo ndumba aana, iyajo kazivi lyova? Omo Shukulu Kalunga wa Akamwa ya Vyoshe endeka, iyajo alikela kwambulula majwi endi?

Zakaliya 12:8

A simbu ije Shukulu Kalunga akanyunga vaje vakala mu Yelusalema, nameme vaje vakuzeya manene akati kavo vakakala na nzili ngwe yakele nayo Ndaviti. Vatekulwila va Ndaviti vakashwana ngwe kangelo ka Shukulu Kalunga, ngwe Njambi vene vavenya.

Zakaliya 14:3

Asinoni Shukulu Kalunga akaya nakulwa na miyati ya vanu vaje, ngwe mwalwile mu visimbu vya kunima.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!

Zakaliya 9:8

Njikanyunga lifuti lyange, co njikavindika mashwalale kwitamo. Kunjikatavesa lalo vaka-muuka kuyandesa vanu vange, njamono muvanayandelamo vanu vange.”

Kujombolola 10:3

co watambekele na lijwi lyakama lije lyafwile ngwe kwaana kwa vindumba. Co munima yakutambeka, vililimo vitanu na ivali vyakumbulwile nakwaana ngwe ndumba.

Kujombolola 5:5

Asinoni umo wa vaje vakulunu wendekele kuli yange ngwendi, “Kesi ulile. Kenga! Ndumba wakutunda ku muyati wa Yunda, naanga yakama ya kuli Ndaviti, ikeye nahyana, co asa kuvatula tusateso otu tutanu na tuvali nakufukula eli livulu.”