Isaya 31:2 - Livulu lya Shukulu Kalunga

² Shukulu Kalunga azivuka vije vyalinakulinga! Atuma tuyando. Ikeye akahisa vaka-vuvi na vaka-kuvanyunga.

Isaya 31:2 Iomraidhean Croise

Yombi 12:13

Tukulukazi vakazivisisa, oloni Njambi akazivisa, co wakala na nzili yakulinga cuma.

Yombi 12:16

Njambi wapwa Muka-nzili, co simbu yoshe muka-kuhyana, munu uje ivanakwisa na munu uje akwisa mukwavo, voshe vanapu vanu va Njambi.

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 14:20

Omwo wanyongesele lifuti lyove nakutsiya vanu vove, kuvakakutsindi ngwe vakweni vimyene. Naumo wai akasalao ku naanga yove yaivi.

Isaya 21:17

Vanalume vaka-mata a lusipa va mu Kendale vakasalao lika vavandondo. Yange Kalunga Njambi ya Isalele, njinendekamo.”

Isaya 22:14

Shukulu Kalunga wa Akamwa ya Vyoshe Muka-nzili yoshe wendekele kuli yange ngwendi, “Mwa vushunga vuvi ovu kunjikavasambesavwo mukuyoya kwavo kwoshe. Yange Kalunga wa Akamwa ya Vyoshe Muka-nzili yoshe, njinendekamo.”

Isaya 28:21

Shukulu Kalunga akalwa ngwe mwalwile a Munkinda wa Pelazime na mu Cimbongo ca Ngimbiyone, oloni a simbu eyi Shukulu Kalunga akalinga cuma cakukomokesa, kesi ngwe muje mumunayongola yeni embwe.

Isaya 28:29

Mana oshe awa atunda kuli Shukulu Kalunga Muka nzili yoshe. Matumbe oshe akalingi Njambi apwa akushungama, co simbu yoshe apwa amavwa.

Isaya 30:3

Oloni mwene wa Ingito kakakala na nzili yakuvakwasa, co kunyunga kwa Ingito kukahwila mu vukalu.

Isaya 30:7

Ingito kuyasa kumikwasa, omu mukemwo njashendumuna Ingito ngwange, ‘Candza-ngombe Wa Vushungu.’ ”

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 32:6

Cilema akendeka vya vulema lika, nakuyongola kulinga vyuma vyavivi. Vije vyakalingi na vije endeka vinapu vyakushaula Shukulu Kalunga, co kesi kulisa muka-njala nambe kwana mema kuli vaje vali na lihwila.

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 36:32

Co njanonele lalo livulu likwavo nakulyana kuli muka-kusoneka wange Mbaluke, co wasonekele lalo vyuma vyoshe vije njendekele. Co wasonekele vyuma vyoshe vije vyakele mu livulu lyakulivanga, na majwi akwavo lalo akulifwa na aje njendekele kuli ikeye.

Ezekiyele 29:6

Asinoni vanu voshe va mu Ingito vakazivuka ngeci yange njapwa Kalunga.’ ” Shukulu Kalunga alinakwendeka ngwendi, “VaIsalele vajendamenene ali vaka-Ingito mukuvakwasa, oloni yeni mwapwile vakuzeya ngwe mulamu wakukola.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Kulava 10:35

Oshe aje acashangumukilile Cikasa ca Cikumiiyo kukatuka, Mosesa wendekele ngwendi, “Katuka, yove Shukulu Kalunga, shandola vitozi vove nakusheka vaje vakuzinda!”

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 24:35

Lilu na asi vikaita, oloni majwi ange kuwakaiti embwe.

Loma 16:27

Kuli Njambi umolika, uje ikeye lika muka-mana oshe, kukale vumpau ali Yesu Kilistu ku myaka yoshe! Ewa.

Yoshwa 23:15

Ngwe omo ikeye wanyungile vikulaeso vyoshe vije vyalingile kuli yeni, ngecivene, Shukulu Kalunga akanena vyuma vyoshe vyavivi ali yeni, noo naminyongesa mu lifuti eli lyalivwa lyanamyana Shukulu Kalunga Njambi yeni.

Yunda 1:25

kuli Njambi umolika Muyoyesi wetu, ali Yesu Kilistu Mwene yetu, kukale vumpau na vukama na nzili na moko kutunda ku myaka ya ku san̄ulu na kulelo lino na ku myaka na myaka! Ewa.

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.